tengrinews.kz
شاحتينسكىدە بەس قاباتتى ۇيدە جارىلىس بولدى: 8 ادام زارداپ شەكتى
شاحتينسك قالاسىنداعى بەس قاباتتى تۇرعىن ۇيدە گاز-اۋا قوسپاسىنىڭ جارىلىسى بولدى. تۇرمىستىق گاز باللونىنىڭ جارىلۋى سالدارىنان سەگىز ادام زارداپ شەكتى. ولاردىڭ بەسەۋى - تۇرعىنداردىڭ شاقىرۋىنا كەلگەن پوليسيا قىزمەتكەرلەرى.
بۇل تۋرالى Infohub.kz اقپارات اگەنتتىگى حابارلايدى.
زارداپ شەككەندەر مەديسينالىق مەكەمەگە جەتكىزىلدى. قاراعاندى وبلىسى تجد-نىڭ 112 پۋلتىنە بولعان وقيعا تۋرالى حابارلاما پوليسيادان كەلىپ تۇسكەن. حابارلاما العاننان كەيىن ءتورت مينۋت ىشىندە تجم كۇشتەرى مەن قۇرالدارى وقيعا ورنىنا جەتتى. كەلگەن كەزدە جيھاز بەن تۇرمىستىق زاتتاردىڭ جانىپ جاتقانى انىقتالدى.
قۇتقارۋ جۇمىستارى
ءورت سوندىرۋشىلەر جوعارى قاباتتاردان بەس ادامدى باسپالداق ارقىلى ەۆاكۋاسيالادى. پوجارنيكتەر كەلمەي تۇرىپ، پوليسيا قىزمەتكەرلەرى دە تۇرعىنداردى كوشىردى، قالعاندارى ءوز بەتىنشە عيماراتتان شىعىپ كەتتى.
تۇرعىنداردى جىلىتۋ ءۇشىن تجم ۆاحتالىق كولىگى پايدالانىلدى. سونداي-اق، جىلىتۋ پۋنكتى ۇيىمداستىرىلدى.
ءورتتىڭ سەبەبى
تجم كۇشتەرىمەن 40 شارشى مەتر اۋماقتاعى ءورت تولىقتاي ءسوندىرىلدى. جارىلىستىڭ سەبەپتەرى مەن ءمان-جايى انىقتالۋدا. وقيعا ورنىندا تجد باستىعى باستاعان ءورت ءسوندىرۋ شتابى قۇرىلدى. وقيعا ورنىندا ءورت سوندىرۋشىلەر، تجم قۇتقارۋ توپتارى، سونداي-اق مەديسينالىق قىزمەتتەر، پوليسيا جانە جەرگىلىكتى اتقارۋشى ورگانداردىڭ وكىلدەرى بار.
قاراعاندى وبلىسى پد باسپا ءسوز قىزمەتىنىڭ مالىمەتىنشە، بوتەن مۇلىكتى قاساقانا جويۋعا اكەپ سوقتىرعان ءورت فاكتىسى بويىنشا قىلمىستىق ءىس قوزعالدى.
پوليسيا 40 جاستاعى كۇدىكتىنى ۇستادى. قازىرگى ۋاقىتتا ول شاحتينسك قالالىق اۋرۋحاناسىنىڭ ارنايى بولىمىندە ەمدەلىپ جاتىر جانە باقىلاۋدا. ساۋىققاننان كەيىن ۋاقىتشا ۇستاۋ يزولياتورىنا قامالاتىن بولادى. قازىرگى ۋاقىتتا جان-جاقتى جانە وبەكتيۆتى تەرگەۋ جۇرگىزىلۋدە.
-
ايماقتاعى شيەلەنىستى ازايتۋ ماقساتىندا پارسى شىعاناعى ەلدەرى يرانمەن بەيبىت كەلىسسوز جۇرگىزۋدە.
-
A gas explosion in a five-story building in Shakhtinsk، Kazakhstan، has resulted in 8 injuries، including five police officers responding to the scene.
