Photo: xomidov Photo (https://www.pexels.com/@xomidov) / Pexels
قازاق ادەبيەتىنىڭ اسىل ازاماتى، ەڭبەك ەرى مۇحتار شاحانوۆ ومىردەن وزدى
بۇگىن قازاق ادەبيەتى مەن مادەنيەتى ورنى تولماس اۋىر قازاعا ۇشىرادى. قازاقستاننىڭ حالىق جازۋشىسى، قازاقستاننىڭ ەڭبەك ەرى، كورنەكتى قوعام قايراتكەرى مۇحتار شاحانوۆ 84 جاسقا قاراعان شاعىندا ومىردەن وزدى.
بۇل تۋرالى Infohub.kz اقپارات اگەنتتىگى حابارلايدى.
مۇحتار شاحانوۆتىڭ ەسىمى قازاق حالقىنىڭ رۋحاني جاڭعىرۋىمەن، ۇلتتىق مۇددەلەردى قورعاۋ جولىنداعى كۇرەسىمەن تىعىز بايلانىستى. ونىڭ قالامىنان تۋعان شىعارمالار الەمنىڭ 50-دەن استام تىلىنە اۋدارىلىپ، الەمدىك ادەبيەتتىڭ التىن قورىنا قوسىلدى.
اقىننىڭ ولەڭدەرى مەن پوەمالارى تەرەڭ مازمۇنىمەن، اسقاق رۋحىمەن ەرەكشەلەنسە، دراماتۋرگيالىق تۋىندىلارى ساحنادا قويىلىپ، كورەرمەن ىقىلاسىنا بولەندى. مەملەكەتشىل تۇلعا رەتىندە دە مۇحتار شاحانوۆ ەلىمىزدىڭ دامۋىنا ەلەۋلى ۇلەس قوستى.
قازاقستاننىڭ ەڭبەك ەرى اتاعىن يەلەنگەن تۇلعانىڭ ەلىمىزدىڭ الەۋمەتتىك-ساياسي ومىرىندەگى بەلسەندىلىگى جوعارى باعالانعان ەدى. ونىڭ ازاماتتىق ۇستانىمى مەن حالىققا دەگەن ادال قىزمەتى كوپشىلىككە ۇلگى بولارلىق.
Alash.kz ۇلتتىق پورتالى ۇجىمى مارقۇمنىڭ وتباسى مەن جاقىن تۋىستارىنا كوڭىل ايتىپ، قايعىلارىنا ورتاقتاسادى.
-
ينۆەستورلار، بيزنەس وكىلدەرى جانە سۇرانىسقا يە ماماندىق يەلەرى ءۇشىن قازاقستانعا كىرۋ جانە قۇجات راسىمدەۋ جەڭىلدەتىلدى.
-
قازاقستان اۋىل شارۋاشىلىعىندا كادر تاپشىلىعىنا تاپ بولدى. جۇمىس ىستەيتىن ادام جوق، ءوندىرىس تومەندەپ، ازىق-تۇلىكپەن ءوزىن-وزى قامتاماسىز ەتۋ جوسپارلارى كۇمان تۋدىرۋدا.
