InfoHub Logo

قاسىم امانجولوۆ..... كەرەمەت ەدى. مەن قاسىم امانجولوۆ دەگەن كەزدە "تۋعان جەر" تۋرالى ولەڭى ەسىمە تۇسەدى. مەنىڭشە اقىن ءۇشىن ەڭ قىمبات، باعالى دۇنيە وقىرماننىڭ كوڭىلىنەن شىعۋ، وقىرمان ولەڭدى جىقسى كورە وقۋ، ەسىندە ساقتاۋ، ۇمىتپاۋ. بۇل قاي اقىنعا ۇناماسىن. ال، قاسىم اتامىزدا بۇنىڭ ءبارى بار. وقىرماندا، شابىتتا. قانداي تاماشا! قاسىم امانجولوۆ مەن ۇلگى تۇتاتىن اقىنداردىڭ ءبىرى دە، بىرەگەيى. قاسىم اتامىز ۇلى اقىندارعا، جازۋشىلارعا دا استارلى وي، اسىل سوزدەن جىر ارناعان. ولەڭمەن جىر شەرىتكەن.مىسال ءۇشىن:
    ىشىمدە جانارتاۋداي جاتىر جىرىم،
    ۇشقىنداپ، ىشتە قايناپ سۇراپىلىم.
    كورەرسىز سونىڭ بۇرقاپ اتىلعانىن؛
    جاڭعىرتىپ جان تۇكپىرىن، ويدىڭ شىڭىن.
    ولەڭنىڭ قاپتاتارمىن وتتى سەلىن،
    تولاسسىز توپانىنداي ەرتەگىنىڭ.
    بىلەرسىز كىم ەكەنىن سوندا، ساكە،
    بۇل كۇندە وت شايناعان تەنتەك ءىنىڭ. -دەپ ءسابيت مۇقانوۆقا ارناعان "سابيتكە" اتتى ولەڭىندە وتتى ەكپىنىن ، اعاندى تەگەۋرىنىن، سيرەك قيالىن سەزدىرگەن. جىرىن جانارتاۋعا تەڭەپ، شابىتى جانارتاۋدان اققان وتتى سەل ەكەنىن دە سەزدىرىپ كەتتى.

اقىننىڭ ءومىرىنىڭ ءوزى ولەڭ. سول سياقتى قاسىم امانجولوۆ ونەرىن عانا ەمەس ومىرىندە ولەڭمەن ءورىپ كەتكەن. حالىقتا مىناداي ماقال بار "ءسوز ءقادىرىن بىلمەگەن،ءوز ءقادىرىن بىلمەيدى" دەگەن، مىنە وسى ءسوز قاسىم اتامىزعا ارنالعان-اۋ شاماسى.سەبەبى ول كىسى وزىنەن كورى ءسوزىنىڭ قۇدىرەتى مەن قاسيەتىنە اسا ءمان بەرگەن. ءار ءبىر ولەڭى جاي ءبىر قارا سوزبەن ورىلمەگەن وتتىڭ داۋىلىنداي جاندى تەربەپ كەتەدى. مىسال رەتىندە اقىنىڭ "ءوزىم جايلى" ولەڭىندە ادامنىڭ جان دۇنيەسىمەن، سەزىمى تەك ادامنىڭ وزىنە عانا ايان ەكەندىگىن، باسقا پەندەنىڭ ونى سەزىنە المايتىنى جايلى ولەڭمەن سۋرەتتەپ جازعان بولاتىن. قاسىمنىڭ ولەڭىن وقي باستاسام ءدال سونداي وقيعا سوزبەن بەينەلەنىپ وتىرادى. قاسىم امانجولوۆقا قازاقتىڭ بەلگىلى اقىنى سىرباي ماۋلەنىۆ بىلاي دەپ كەتكەن: "قاسىم جاسىنان وجەت، العىر، زەيىندى بولىپ ولەڭ وزەنىنە ەرتە قۇلاش ۇردى. قاسىم ليريكاسى كەيدە قاتال، كەيدە نازىك، كەيدە شات كوڭىلدى ءوز مىنەزىندەي ليريكا. قاسىم جىرى-ماڭگىلىك جىر"- دەپ اقىندى سيپاتتاپ كەتكەن.
 قانشاما اقىنداردىڭ ىشىندە جۇرسە دە، ءوزىنىڭ ولەڭدەرىمەن ەرەكشەلەنىپ تۇراتىن بۇل اقىننىڭ ءومىرى دە ەرەكشە. "اقىندىعىڭ نە كەرەك ،ايتارلىعىڭ بولماسا" دەگەندەي اقىن بولۋ ءۇشىن دە، اقىن بولىپ تۋىلۋ مىندەتتى ەمەس. ەڭ باستىسى حالىققا ولەڭىڭمەن پايداڭ تيسە سونىڭ ءوزى ءبىر قۇرمەت. اقىن بولعىڭ كەلسە قاسىمشا جىرلا دەگىم كەلەدى.

سەريكبول اسەمگۋل

---