Tengrinews.kz / اليمجان امانجول
قازاق تازىلارى استانادا وتكەن كورمەدە FCI پرەزيدەنتىن تاڭ قالدىردى
استانادا ءوتىپ جاتقان «Astana Winner 2026» حالىقارالىق يت كورمەسى جۇزدەگەن قاتىسۋشىنى جانە الەمدىك كينولوگيا قاۋىمداستىعىنىڭ نازارىن اۋداردى. كورمەنىڭ باستى قوناقتارىنىڭ ءبىرى – قازاقستانعا العاش رەت كەلگەن حالىقارالىق كينولوگيا فەدەراسياسىنىڭ (FCI) پرەزيدەنتى تاماش ياككەل.
بۇل تۋرالى Infohub.kz اقپارات اگەنتتىگى حابارلايدى.
«وتباسىمىزعا قوش كەلدىڭىزدەر»
كورمە 2-3 مامىر كۇندەرى EXPO حالىقارالىق كورمە ورتالىعىندا وتۋدە. بۇل كۇندەرى ورتالىق جۇزدەگەن يت پەن ولاردىڭ يەلەرىنە تولىپ، ۇلكەن ارەناعا اينالدى. ۆەنگريا، شۆەيساريا جانە قىتايدان كەلگەن حالىقارالىق ساراپشىلاردىڭ قاتىسۋىمەن ءوتىپ جاتقان شارادا ءارتۇرلى تۇقىمداس يتتەر ب ا ق سىناسۋدا.
بيىل كورمەگە 350-دەن استام يت قاتىسۋدا. الايدا، ەرەكشە نازار قازاقستاننىڭ ۇلتتىق ماقتانىشى – قازاق تازىسىنا اۋدارىلدى. ارەنادا 60-تان استام اسەم دە شاپشاڭ، دالانىڭ رۋحى مەن كوپ عاسىرلىق تاريحى بار تازىلار جينالدى.
«مۇنشاما تازىنى ءبىرىنشى رەت كورىپ تۇرمىن»
FCI پرەزيدەنتى تاماش ياككەل قازاقستاننىڭ حالىقارالىق كينولوگيا جۇيەسىنە قوسىلۋى كوپجىلدىق جۇمىستىڭ ماڭىزدى كەزەڭى بولعانىن اتاپ ءوتتى. ول قازاقستاندىق كينولوگيالىق وداقتىڭ جاس بولسا دا، مىقتى ۇيىم ەكەنىن ايتىپ، تازى تۇقىمىن تانۋ جۇمىستارىنداعى ىنتىماقتاستىقتىڭ جالعاساتىنىن مالىمدەدى.
«بۇگىن مۇندا 60-تان استام تازى تۇقىمداس يت ۇسىنىلعان. مەن ومىرىمدە مۇنشاما تازىنى ءبىر جەردە كورگەن ەمەسپىن»، - دەپ مويىندادى ياككەل.
ول مۇنداي ءىس-شارالار تاجىريبە الماسۋ تۇرعىسىنان ماڭىزدى ەكەنىن ايتىپ، قازاقستانعا العاش رەت FCI پرەزيدەنتى رەتىندە كەلگەنىن ەرەكشە اتاپ ءوتتى. ياككەلدىڭ ايتۋىنشا، قازاقستاننىڭ كينولوگيالىق جۇيەسىنىڭ تانىلۋىنا ۇلتتىق اسىل تۇقىمدى كىتاپتىڭ جۇمىسى زور ۇلەس قوسقان.
«جەتى قازىنا»: نەگە تازى – جاي عانا تۇقىم ەمەس؟
ەكولوگيا جانە تابيعي رەسۋرستار ءمينيسترى ەرلان نىسانبايەۆ قازاق تازىسىن دامىتۋ – مەملەكەتتىك ساياساتتىڭ جانە ۇلتتىق مۇرانى ساقتاۋ جونىندەگى جۇيەلى جۇمىستىڭ بولىگى ەكەنىن ايتتى. ونىڭ سوزىنشە، تازى – ەلىمىزدىڭ ماقتانىشى جانە «جەتى قازىنانىڭ» ءبىرى.
ءمينيستردىڭ ايتۋىنشا، مۇنداي كورمەلەر ۇلتتىق تۇقىمداردى ناسيحاتتاۋعا باعىتتالعان. قازاقستان كينولوگتار وداعىنىڭ پرەزيدەنتى باۋىرجان سەرىكقالي كورمەنىڭ زووتەحنيكالىق ماڭىزىن، ياعني يتتەردىڭ تۇقىم ستاندارتىنا سايكەستىگىن باعالاۋ، تازا تۇقىمدى ساقتاۋ جانە باقىلاۋ جۇمىستارىن اتاپ ءوتتى. ول سوڭعى جىلدارى تازى تولدەرىنىڭ سانىنىڭ ارتقانىن دا ايتتى.
-
بىۆشيە دەپۋتاتى ۋتۆەرجدايۋت، چتو نۋرسۋلتان نازاربايەۆ ۆليال نا رەشەنيا كونستيتۋسيوننوگو سۋدا، نازناچايا نۋجنىح ەمۋ ليۋدەي.
-
اتىراۋ وبلىسىندا ءبىر وتباسىنىڭ قازاسىنا قاتىستى قوزعالعان ءىس بويىنشا تەرگەۋ بارىسىندا اسا قاتىگەزدىكپەن جاسالعان قىلمىستىڭ جاڭا مالىمەتتەرى انىقتالدى.
