InfoHub Logo

QazaqGaz كومپانياسىنىڭ باسقارما ءتوراعاسى الىبەك جاماۋوۆ پەن كاشاگان كەن ورنىن يگەرۋشى NCOC كومپانياسىنىڭ باسقارۋشى ديرەكتورى دجانكارلو رۋيۋ باستاعان دەلەگاسيا قاشاعانداعى گاز وڭدەۋ زاۋىتىنىڭ (گوز) قۇرىلىس الاڭىنا باردى. بۇل جوبانىڭ ماڭىزدىلىعى زور، ويتكەنى ول ەلدىڭ ەنەرگەتيكالىق قاۋىپسىزدىگىن نىعايتۋعا باعىتتالعان.

بۇل تۋرالى Infohub.kz اقپارات اگەنتتىگى حابارلايدى.

جوبانىڭ قازىرگى جاعدايى مەن الداعى جوسپارلار

كەزدەسۋ بارىسىندا GPCI ماماندارى مەن مەردىگەر ۇيىمداردىڭ وكىلدەرى قۇرىلىس-مونتاج جۇمىستارىنىڭ قازىرگى جاي-كۇيى تۋرالى باياندامالار جاساپ، جىل سوڭىنا دەيىن جوبانىڭ نەگىزگى كەزەڭدەرىنە قول جەتكىزۋ جوسپارلارىن ۇسىندى. الىبەك جاماۋوۆ رەسۋرستاردى جۇمىلدىرۋدى كۇشەيتۋ جانە قۇرىلىس قارقىنىن جەدەلدەتۋ قاجەتتىگىن اتاپ ءوتتى. ول جوبانى جۇزەگە اسىرۋ ەرەكشە باقىلاۋدا ەكەنىن ايتىپ، وندىرىستىك پروسەستەردى وڭتايلاندىرۋدى جالعاستىرۋدى تاپسىردى. سونداي-اق، ونەركاسىپتىك جانە ءورت قاۋىپسىزدىگى تالاپتارىن قاتاڭ ساقتاۋ، اسىرەسە تۇندە جۇمىستاردى ۇيىمداستىرۋ كەزىندە ەرەكشە نازارعا الىندى.

قۇرىلىس الاڭىنداعى جۇمىس كۇشى مەن تەحنيكا

قۇرىلىس الاڭىندا 1500-دەن استام ماماندار جۇمىلدىرىلعان، ونىڭ ىشىندە 981ء-ى نەگىزگى پەرسونال. تۇنگى اۋىسىمداردا شامامەن 96 ادام تارتىلادى. قۇرىلىس تەحنيكالارىنىڭ 346 بىرلىگى پايدالانىلۋدا.

اعىمداعى جۇمىستار

قازىرگى ۋاقىتتا ىرگەتاس قالاۋ، مەتالل كونسترۋكسيالاردى، تەحنولوگيالىق جانە قىزمەت كورسەتۋ الاڭدارىن مونتاجداۋ جۇمىستارى جالعاسۋدا. ورتكە قارسى قۇبىر جەلىسىن مونتاجداۋ، قالىپتاۋ جانە ارماتۋرالاۋ جۇمىستارى، سىرتقى ينجەنەرلىك جەلىلەر بويىنشا توپىراق توسەۋ جانە شىعارۋ جۇمىستارى جۇرگىزىلۋدە. سفەرالىق رەزەرۆۋارلاردا دانەكەرلەۋ جۇمىستارى اياقتالىپ، 10 بىرلىكتىڭ 8ء-ى تەرميالىق وڭدەۋدەن ءوتتى. ەستاكادالارداعى مەتالل كونسترۋكسيالاردى مونتاجداۋ جانە بوياۋ جۇمىستارى جالعاسۋدا. №3 تاراتۋ قوسالقى ستانسياسىندا سەندۆيچ-پانەلدەردى مونتاجداۋ اياقتالدى. ۆاحتالىق قالاشىقتا ەلەكتر مونتاجداۋ، ءالسىز توك جانە جالپى قۇرىلىس جۇمىستارى ورىندالۋدا.

نەگىزگى جۇمىس تۇرلەرىنىڭ ورىندالۋى

LPG Eskene تەرمينالىنىڭ قۇرىلىسى

جۇمىس ساپارى اياسىندا QazaqGaz باسشىسى اتىراۋ وبلىسىنداعى LPG Eskene سۇيىلتىلعان گاز تەرمينالىنىڭ قۇرىلىس بارىسىمەن دە تانىستى. بۇل نىساندا ىرگەتاس قالاۋ جانە قۇبىر جۇرگىزۋ جۇمىستارى، تنگ قۇبىرىن دانەكەرلەۋ، سۇيىلتىلعان مۇناي گازى رەزەرۆۋارلارىن مونتاجداۋ، سونداي-اق زاۋىتتى قۇراستىرۋ جانە پايدالانۋعا بەرۋ ءۇشىن تەحنولوگيالىق جابدىقتاردى جەتكىزۋ جۇمىستارى جالعاسۋدا.