tengrinews.kz
رامزان قادىروۆ ۇلىنىڭ جول-كولىك وقيعاسىنا قاتىستى اقپاراتقا العاش رەت پىكىر ءبىلدىردى
چەچنيا باسشىسى رامزان قادىروۆ ۇلى ادامنىڭ جول-كولىك وقيعاسىنا قاتىستى دەگەن اقپاراتتى جوققا شىعاردى. ول مۇنداي مالىمەتتەردى "جالعان اقپارات" دەپ اتاپ، جاساندى ينتەللەكت ارقىلى تاراتىلعان بولۋى مۇمكىن ەكەنىن ايتتى.
بۇل تۋرالى Infohub.kz اقپارات اگەنتتىگى حابارلايدى.
"جالعان اقپارات"
«جاساندى ينتەللەكتتىڭ كومەگىمەن كەز كەلگەن ادامدى الداۋعا بولادى. ەلدە 128 مىڭداي اۆاريا بولىپ، 13 مىڭنان استام ادام قازا تاپتى، ءبىراق ەشكىمنىڭ شارۋاسى بولمايدى. ال قادىروۆتىڭ ۇلىنىڭ اۆارياسى تۋرالى جالعان اقپارات الەمدىك جاڭالىقتاردىڭ ءبىرىنشى بەتىنە شىقتى»، - دەدى قادىروۆ.
ونىڭ ايتۋىنشا، بۇل وقيعا تۋرالى اقپاراتتىق «ۆبروس» بولعان.
بۇعان دەيىنگى حابارلامالار
بۇعان دەيىن بۇقارالىق اقپارات قۇرالدارى ادام قادىروۆتىڭ كولىك اپاتىنا ۇشىراپ، ماسكەۋگە جەتكىزىلگەنى تۋرالى حابارلاعان ەدى. كەيبىر دەرەككوزدەر ونىڭ كورتەجىنىڭ قاتتى جىلدامدىقپەن جۇرگەنىن، رولدە ءوزى بولعانىن جازدى. كەيىننەن ادام قادىروۆتىڭ ەسىن جيناپ، جاعدايىنىڭ دارىگەرلەر الاڭداۋشىلىعىن تۋدىرمايتىنى حابارلاندى.
رامزان قادىروۆ بۇل حابارلامالارعا بايلانىستى ۇلىمەن بىرگە تۇسكەن بەينەجازبانى جاريالاعان بولاتىن. ول ادام قادىروۆتىڭ رەسپۋبليكالىق كۇشتىك قۇرىلىمدار كومانديرلەرىمەن كەڭەس وتكىزگەنىن ايتىپ، ۇلىنىڭ تاعى ءبىر ماراپات العانىن حابارلادى.
ادام قادىروۆقا 18 جاستا. ول چەچنيانىڭ قاۋىپسىزدىك كەڭەسىنىڭ حاتشىسى قىزمەتىن اتقارادى. سونداي-اق، ول ءبىرقاتار ماڭىزدى سالالارعا جەتەكشىلىك ەتەدى.
-
QazaqGaz جانە NCOC باسشىلارى قاشاعانداعى گاز وڭدەۋ زاۋىتىنىڭ قۇرىلىس الاڭىنا بارىپ، جۇمىستاردىڭ بارىسىن باقىلادى.
-
قازاقستانعا Starlink سپۋتنيكتىك ينتەرنەتىن ەنگىزۋ جۇمىستارى بەلسەندى كەزەڭگە ءوتتى. مينيسترلىك پەن Starlink وكىلدەرى كەلىسىم شارتتارىنىڭ ورىندالۋىن جانە جۇيەلەردىڭ دايىندىعىن تەكسەردى.
