InfoHub Logo

دۇنيەتانۋ
ساباقتىڭ تاقىرىبى: قازاقستان – ەگەمەن ەل.
ساباقتىڭ ماقساتى: بىلىمدىلىك: پرەزيدەنت، پارلامەنت، ۇكىمەت تۋرالى ۇعىمداردى بىلۋگە ۇيرەتۋ، تەرەڭىرەك ءبىلىم بەرۋ.
دامىتۋشىلىق: وقۋشىلاردىڭ ويلاۋ قابىلەتتەرىن، سوزدىك قورىن دامىتۋ. ىزدەنىمپازدىققا، شىعارماشىلىققا باۋلۋ.
تاربيەلىك: وقۋشىلاردىڭ بويىندا ەگەمەن ەل قازاقستانعا دەگەن ماقتانىش قالىپتاستىرۋ؛ بالانىڭ تانىمدىق بەلسەندىلىگىن ارتتىرۋ، وقۋشىلاردى ەلىن سۇيۋگە، وتانعا دەگەن ماقتانىش سەزىمىن ارتتىرۋعا، ەگەمەن ەلىمىزگە قامقور بولۋعا تاربيەلەۋ.
ساباقتىڭ ءادىسى: توپتىق، جۇپتىق، ديالوگ، ساحنالىق كورىنىس، رەفلەكسيا.
كورنەكىلىك قۇرال: ينتەراكتيۆتى تاقتا، فليپچارت، كارتوچكا.

ساباقتىڭ بارىسى:
ءى ۇيىمداستىرۋ كەزەڭى:
پسيحولوگيالىق دايىندىق:
جوعارى قارادىم اسپاندى كوردىم،
تومەن قارادىم جەردى كوردىم.
وڭعا قارادىم،
سولعا قارادىم،
ەگەمەندى ەل كوردىم.

ءىى. جاڭا ساباق: /بەينەجازبا /
ءمۇعالىم: وتان
اۋەلگى وتان – انا الدى، وتتىڭ باسى،
اۋىل الدى، اۋناعان ءشوپتىڭ قاسى.
ساعىنعاندا تىم ىستىق كورىنەدى،
جاستا ويناعان ۇيشىك قىپ سايدىڭ تاسى.

وتان دەيمىز وت جاققان جەرىمىزدى،
وتان دەيمىز وسىرگەن ەلىمىزدى.
وتان دەيمىز تۋعان جەر، اتامەكەن -
بيىك تاۋ، ورمان، توعاي، كولىمىزدى.

وتان دەيمىز كەڭ - بايتاق استانانى،
جاسىل جايلاۋ، جاڭا جول، جاس قالانى.
وتاننىڭ شەتى دە جوق، شەگى دە جوق،
ول ءبىراق ءوز ۇيىڭنەن باستالادى.

سۇراق - جاۋاپ: 1. وسى ەستىگەن ولەڭ جولدارى، نەگە ارنالادى؟
- بالالاردىڭ جاۋاپتارى.
ءمۇعالىم: بۇگىنگى ساباقتىڭ تاقىرىبى «قازاقستان – ەگەمەندى ەل».
قازاقستان ەلىمىز تۋرالى نە بىلەسىڭدەر؟

بالالاردىڭ جاۋاپتارىن، ءمۇعالىم كەستەگە قىسقا جازادى./1 باعان - 2 باعان/

بىلەمىن بىلگىم كەلەدى؟ ۇيرەندىم

سونىمەن بۇگىنگى ساباقتا ءبىز باسقارۋشى بيلىك تۋرالى، ولاردىڭ قىزمەتتەرى تۋرالى وقىپ، ۇيرەنەمىز.
وسى سۇراقتارعا جاۋاپ بەرۋ ءۇشىن، سەندەر تاپسىرمانى ورىندايسىڭدار.
ەندى ءۇش توپقا بولىنەمىز. وقۋشىلار توپتا جۇمىس جاساپ، تاقىرىپتى دالەلدەيدى.

ءى توپ.
ءماتىندى وقۋ، تالداۋ، ءتۇسىندىرۋ، دالەلدەۋ.
قازاقستان – ەگەمەندى ەل.
16 جەلتوقساندا ءبىزدىڭ ەلىمىزدە ۇلتتىق مەرەكە – قازاقستان رەسپۋبليكاسىنىڭ تاۋەلسىزدىك كۇنى اتاپ وتىلەدى. تاپ وسى كۇنى «قازاقستان رەسپۋبليكاسىنىڭ تاۋەلسىزدىگى تۋرالى» زاڭ قابىلدانعان.
1991 جىلدىڭ 16 جەلتوقسانىنان باستاپ قازاقستان دەربەس تاۋەلسىز مەملەكەتكە اينالدى. قازاقستاننىڭ ءوزىنىڭ ەلتاڭباسى، تۋى، جاڭا ءانۇرانى، ءوزىنىڭ كونستيتۋسياسى جاسالدى. قازاقستان حالقىنىڭ تۇرمىس جاعدايىن جاقسارتۋعا ارنالعان زاڭدار قابىلداندى.
بالالار ۇلكەندەر تاراپىنان قامقورلىق پەن كومەك الۋعا قۇقىلى. ولار وتباسىندا، باقىت پەن سۇيىسپەنشىلىك، تۇسىنىستىك اياسىندا ءومىر سۇرۋگە قۇقىلى. 2002 جىلى قازاقستاندا بالالار قۇقىعى تۋرالى زاڭ قابىلداندى.
قازاق ءتىلى – مەملەكەتتىك ءتىل. ورىس ءتىلى ۇلتارالىق قارىم – قاتىناس ءتىلى.

ءىى توپ. ءماتىندى وقۋ، تالداۋ، ءتۇسىندىرۋ، دالەلدەۋ.
پرەزيدەنت.
1991 جىلى جەلتوقساندا قازاقستان رەسپۋبليكاسىنىڭ تۇڭعىش پرەزيدەنتى بولىپ ن. ءا. نازاربايەۆ سايلاندى.
پرەزيدەنت مەملەكەتتىڭ ىشكى جانە سىرتقى ساياساتىن باسقارادى. ۇكىمەت قۇرادى، زاڭدار مەن جارلىقتار شىعارادى. ول حالىق مۇددەسىن قورعاۋ ءۇشىن حالىق اتىنان سويلەيدى.
قازاقستان كونستيتۋسياسىندا ەلدىڭ پرەزيدەنتى بولىپ 40 جاسقا تولعان، مەملەكەتتىك ءتىلدى ەركىن بىلەتىن جانە سوڭعى 15 جىلدا قازاقستاندا تۇراتىن ادام سايلانا الادى دەپ كورسەتەدى.

ءىىى توپ. ءماتىندى وقۋ، تالداۋ، ءتۇسىندىرۋ، دالەلدەۋ.
پارلامەنت. ۇكىمەت.
قازاقستان رەسپۋبليكاداعى زاڭ شىعارۋ جۇمىسىمەن پارلامەنت اينالىسادى. ول ەكى پالاتادان، ياعني قۇرامداس بولىكتەن تۇرادى. جوعارعى پالاتا - سەنات، تومەنگى پالاتا – ءماجىلىس دەپ اتالادى.
پرەزيدەنتتىڭ جارلىعى مەن وكىمدەرىن، پارلامەنت قابىلداعان ءتۇرلى زاڭداردى قازاقستان رەسپۋبليكاسىنىڭ ۇكىمەتى جۇزەگە اسىرىپ وتىرادى.
ۇكىمەتتى پرەمەر – مينيستر باسقارادى. وسى قازاقستان رەسپۋبليكاسىنىڭ پرەزيدەنتى تاعايىندايدى. ۇكىمەت قۇرامىنا دەنساۋلىق ساقتاۋ، ءبىلىم جانە عىلىم، مادەنيەت، اقپارات جانە قوعامدىق كەلىسىم، قارجى، سىرتقى ىستەر، اۋىل شارۋاشىلىعى، ت. ب مينيسترلىكتەرى كىرەدى.
سالالىق مينيسترلىكتەردى مينيسترلەر باسقارادى. ولار – ۇكىمەت مۇشەلەرى. ولار مەملەكەتتىڭ دامۋى، ازاماتتاردىڭ قاۋىپسىزدىگى، ەلىمىزدىڭ قورعانىس قابىلەتى جوسپارىن جاسايدى.

ءىىى. بەكىتۋ: ساحنالىق كورىنىس:
ءمۇعالىم: بالالار، جاڭا تاقىرىپتى تالداپ، ءبىر - بىرىنە تۇسىندىردىڭدەر.
ءقازىر، ءبىز ونى بەكىتەمىز. ونى ويىن تۇرىندە وتكىزەمىز. جەتونداردى تاڭداۋ.
- جەتونعا جازىلعان سوزدەرگە قاراپ توپقا بولىنەسىڭدەر. بالالار، ماتىندەردى وقىپ، ءبىر - بىرىنە ءتۇسىندىرىپ، تاقتاعا شىعىپ، تاقىرىپ بويىنشا تۇسىنگەندەرىڭدى رولدىك ويىن ارقىلى كورسەتىڭدەر.
پرەزيدەنت - 1بالا
پارلامەنت - 4 بالا / سەنات - 2، ءماجىلىس - 2/
ۇكىمەت - 8 بالا
دەنساۋلىق ساقتاۋ مينيسترلىگى
ءبىلىم جانە عىلىم مينيسترلىگى
مادەنيەت، اقپارات جانە قوعامدىق كەلسىم مينيسترلىگى
قارجى مينيسترلىگى
قورعانىس مينيسترلىگى
سىرتقى ىستەر مينيسترلىگى
اۋىل شارۋاشىلىعى مينيسترلىگى
پرەمەر – مينيستر
ءارقايسىلارىن قىزمەتتەرىڭدى بىلەسىڭدەر عوي؟
ءمۇعالىم: ءبىزدىڭ اۋىلىمىزدى كوركەيۋىنە، دامۋىنا زاڭ شىعارۋ كەرەك.
ونى كىم شىعارادى؟ – بالالاردىڭ جاۋاپتارى.
ويىن كورسەتىلەدى.

ءىۇ. تەست: 1. ءبىزدىڭ مەملەكەتتىڭ باسشىسى كىم؟
2. پرەزيدەنت نەنى باسقارادى؟
3. قازاقستاندا بالالار قۇقىعى تۋرالى زاڭ قاشان قابىلداندى؟
4. پارلامەنت قانداي جۇمىستار اتقارادى؟
5. ۇكىمەت قۇرامىنا قانداي مۇشەلەرى كىرەدى؟
/داپتەرلەرىن اۋىستىرىپ تەكسەرۋ/.

ءۇى. شىعارماشىلىق جۇمىس:
"مەنىڭ وتانىم" تاقىرىبىنا ەسسە جازۋ.

دارىندى وقۋشىلارعا قوسىمشا "وتان" تۋرالى ولەڭ شىعارۋ.

تومەن وقيتىن وقۋشىلارعا كارتوچكامەن جۇمىس.
سويلەمدى جالعاستىرۋ. /تومەن وقيتىن وقۋشىلار/
1. 1991 جىلى 16 جەلتوقساندا قازاقستان ----
2. قازاق ءتىلى -...
3. ۇكىمەتتى...
4. مينيسترلىكتى مينيستر...

V. س/قورىتىندىسى:
ءۇي جۇمىسى «ەگەر مەن پرەزيدەنت بولسام» ەسسە جازۋ.

"ينسەرت" ستراتەگياسىن جالعاستىرۋ. كەستەنىڭ 3 بولىگىن تولتىرۋ.
نە ۇيرەندىك؟

باعالاۋ.
ساباقتىڭ باسىندا بەرىلگەن باعالاۋ پاراعىنىڭ بولىكتەرى بويىنشا بىلىمدەرىن باعالاپ، قورىتىندى باعا قويادى.

رەفلەكسيا
وقۋشىلارعا كۇننىڭ كوزى بەينەلەنگەن سۋرەتتەر تاراتىلادى. بالالار ءوز ويلارىن سول سۋرەتتە بەينەلەنگەن كۇننىڭ كوزى بويىنشا كورسەتەدى. ساباق ۇناسا كۇننىڭ كوزىن كۇلىمسىرەتىپ قويادى، ەگەر ۇناماسا ءتۇزۋ سىزىق قويىپ، ۇناماعانىن بىلدىرەدى. پاراقتىڭ ارتىنا وزدەرىنە نەمەن ۇناعانىن نەمەسە نەمەن ۇناماعانىن اشىق جازا الادى.