Photo: Cedric Fauntleroy (https://www.pexels.com/@cedric-fauntleroy) / Pexels
قازاقستان حالقى 20،5 ميلليوننان استى: ەلدەگى دەموگرافيالىق جاڭالىق
قازاقستان حالقىنىڭ سانى تاريحي مەجەنى باعىندىردى! 2026 جىلدىڭ قاڭتار ايىندا ەلدەگى حالىق سانى العاش رەت 20،5 ميلليوننان استى. بۇل قۋانىشتى جاڭالىقتى قازاقستان رەسپۋبليكاسىنىڭ ۇلتتىق ستاتيستيكا بيۋروسى رەسمي تۇردە حابارلادى.
بۇل تۋرالى Infohub.kz اقپارات اگەنتتىگى حابارلايدى.
2026 جىلعى 1 اقپانداعى دەرەكتەرگە سايكەس، قازاقستاننىڭ جالپى حالقى 20 518 005 ادامعا جەتتى. بۇل ساننىڭ ىشىندە قالا تۇرعىندارى – 13 106 358 ادام، ال اۋىلدىق جەرلەردە 7 411 647 ادام تۇرادى. جىل باسىنان بەرى حالىق سانى 18،1 مىڭ ادامعا ارتقان. بۇل ءوسىمنىڭ 15،8 مىڭى تابيعي ءوسىم بولسا، 2،3 مىڭى كوشى-قوننىڭ وڭ سالدوسىمەن بايلانىستى.
ەستەرىڭىزگە سالا كەتەيىك، قازاقستان حالقى 20 ميلليوندىق بەلگىنى 2023 جىلدىڭ قاراشا ايىندا ەڭسەرگەن بولاتىن. ارادا ەكى جىلدان ءسال اسقان ۋاقىتتا بۇل كورسەتكىشتىڭ تاعى دا ءوسۋى – ەلدىڭ دەموگرافيالىق دامۋىنداعى وڭ سەرپىندى كورسەتەدى.
ۋربانيزاسيا قارقىن الادى
ستاتيستيكالىق مالىمەتتەر قالا حالقىنىڭ باسىم ەكەنىن راستايدى. حالىقتىڭ شامامەن 63-64 پايىزى قالالاردا تۇرادى. بۇل ۋربانيزاسيا ءۇردىسىنىڭ بەلسەندى ءجۇرىپ جاتقانىن ايعاقتايدى. ەڭ كوپ حالىق شوعىرلانعان وڭىرلەر – ءىرى مەگاپوليستەر مەن وڭتۇستىك ايماقتار. الماتى، استانا جانە شىمكەنت قالالارى حالىق سانى بويىنشا الدىڭعى قاتاردا كەلەدى.
-
الەۋمەتتىك جەلىدە تاراعان ۆيدەودا اۋدان اكىمىنە ۇقساس ەر ادامنىڭ بەلگىسىز ازاماتتى بىرنەشە رەت يتەرىپ، ۇرىپ جاتقانى كورىنەدى. بۇل جايتقا قاتىستى قالا اكىمدىگىنىڭ باسپا ءسوز قىزمەتى پىكىر ءبىلدىردى.
-
قازاقستان مەن وزبەكستان بايقوڭىر عارىش ايلاعىن دامىتۋ ماقساتىندا بىرلەسكەن تۋريستىك باعىت ازىرلەۋدە. بۇل جوبا عارىش جانە يندۋستريالدى ءتۋريزمدى دامىتۋعا باعىتتالعان.
