tengrinews.kz
شىمكەنتتە اكىمگە تيەسىلى دەپ بولجانعان بەينەجازباعا بايلانىستى تەكسەرۋ باستالادى
الەۋمەتتىك جەلىدە شىمكەنتتەگى اۋدان اكىمىنە تيەسىلى بولۋى مۇمكىن دەگەن كۇدىكپەن تاراعان بەينەجازباعا قاتىستى تەكسەرۋ جۇمىستارى باستالادى. ۆيدەودا ەر ادامنىڭ بەلگىسىز ازاماتتى بىرنەشە رەت يتەرىپ، ۇرىپ جاتقانى بايقالادى.
بۇل تۋرالى Infohub.kz اقپارات اگەنتتىگى حابارلايدى.
ۆيدەودا نە كورىنەدى؟
جەلىدە تاراعان كادرلاردا سپورتتىق كيىم كيگەن، قالا اۋداندارىنىڭ ءبىرىنىڭ باسشىسىنا ۇقسايتىن ەر ادامنىڭ ەكىنشى ءبىر ازاماتتى بىرنەشە رەت يتەرىپ تۇرعانى بايقالادى. زارداپ شەككەن ادام قارسىلىق كورسەتپەگەن. جازباعا قاراعاندا، وقيعا سپورت الاڭىندا بولعان.
اكىمدىكتەن مالىمدەمە
قالا اكىمدىگىنىڭ باسپا ءسوز قىزمەتى بۇل ۆيدەوعا قاتىستى پىكىر ءبىلدىردى.
«الەۋمەتتىك جەلىدە قالا اۋداندارىنىڭ ءبىرىنىڭ اكىمى قاتىسقان بولۋى مۇمكىن دەگەن كۇدىكپەن ۆيدەوجازبا تارالۋدا. وسى فاكتى بويىنشا، وقيعانىڭ بارلىق ءمان-جايىن جان-جاقتى جانە وبەكتيۆتى انىقتاۋ ماقساتىندا قىزمەتتىك تەكسەرۋ باستالاتىنىن حابارلايمىز. قالا اكىمدىگى زاڭدىلىق، قىزمەتتىك ەتيكا قاعيداتتارىن ۇستانادى جانە كەز كەلگەن زاڭسىز ارەكەتتەرگە جول بەرمەيدى»، - دەپ حابارلادى اكىمدىك.
باسپا ءسوز قىزمەتىنىڭ حابارلاۋىنشا، ەگەر تاراتىلعان ۆيدەودا كورسەتىلگەن فاكتىلەر راستالسا، ەل زاڭناماسىنا سايكەس ءتيىستى شارالار قابىلدانادى.
«تەكسەرۋ اياقتالعانشا، الدىن الا قورىتىندىلاردان اۋلاق بولۋدى سۇرايمىز»، - دەدى اكىمدىك وكىلدەرى.
اكىمدىك تەكسەرۋ ناتيجەلەرى تۋرالى قوسىمشا حابارلايتىنىن مالىمدەدى.
-
ستالي يزۆەستنى پودروبنوستي و ۆتوروي فازە سترويتەلستۆا لەگكورەلسوۆوگو ترانسپورتا، كوتورىي سۆياجەت ستوليسۋ كازاحستانا س گورودوم كوسشى.
-
قازاقستان حالقىنىڭ سانى 20،5 ميلليوننان اسىپ، جاڭا رەكورد ورناتتى. بۇل كورسەتكىشتىڭ ارتۋىنا تابيعي ءوسىم مەن كوشى-قون سەبەپ بولدى.
