InfoHub Logo

قازاقستان – جەر كولەمى بويىنشا ۇلكەن ەل، دەگەنمەن حالقىنىڭ سانى از ءارى مۇندا ءارتۇرلى ۇلتتاردىڭ وكىلدەرى ميداي ارالاسا ءومىر ءسۇرىپ جاتىر. سونىمەن قاتار ەلىمىز ون سەگىز ميلليون تۇرعىنى بار – ورتالىق ازيا اۋماعىنداعى ەكونوميكالىق قۋاتى بويىنشا ەڭ دامىعان  مەملەكەت. مەملەكەتىمىزدىڭ كينو ونەركاسىبى دە وسى ايماقتاعى ەلدەر ىشىندەگى ەڭ الدىڭعى قاتارلى، قارقىندى دەپ ەسەپتەلەدى. قازاقستان كينووندىرىسىنىڭ قالىپتاسۋى مەن دامۋى، كينووندىرىس قايراتكەرلەرىنىڭ شىعارماشىلىق ءوسىمى بەلگىلى قيىندىقتارمەن قاتار ءجۇردى. بۇل قيىندىقتار قازاق كينوسىنىڭ باستاپقى كەزەڭىندە، ول ءوزىنىڭ ءداستۇرى، وزىندىك جازۋى، ال جۇمىسكەرلەردىڭ تاجىريبەسى بولماعان كەزەڭدە ەرەكشە بايقالدى. سوندىقتان قازاقستان كينەماتوگرافيستەرىنىڭ العاشقى قادامدارى وتە جاسىق جانە سەنىمسىز بولدى. وعان كينو ونەرىن زەرتتەپ، سپەسيفيكاسىن يگەرۋگە ءبىراز ۋاقىت، ءبىلىم قاجەت بولدى. قازاق كينوسى قايراتكەرلەرىنە جۇمىستا جەتىستىككە جەتىپ جانە ۇلتتىق كينو ونەردىڭ دامۋىن قامتاماسىز ەتۋ ءۇشىن ءاردايىم شىعارماشىلىق ىزدەنىس جۇرگىزۋ قاجەت بولدى. وسىنداي ىزدەنىس پەن ءبىلىمنىڭ ارقاسىندا ءقازىر ەلىمىزدەگى كينويندۋسترياسى كوپتەگەن جەتىستىكتەرگە جەتتى. بۇعان دالەلى،قازاقستان مەن ەۋروپا كينورەجيسسەرلەرى بىرىگىپ تۇسىرگەن «كوشپەندىلەر»، «موڭعول: شىڭعىس حاننىڭ كوتەرىلۋى» جانە سەرگەي دۆورسيەۆوي تۇسىرگەن «قىزعالداق» قويىلىمدارى كورەرمەندەر تاراپىنان وڭ باعالانعان بولاتىن. الايدا، ۇلتتىق كينو ونەركاسىبىنىڭ ءوزىنىڭ دامۋ بارىسىندا كينو ءتۇسىرۋ سالاسىنداعى جەرگىلىكتى ەسكى داستۇرلەر اياسىنان ارمەن اتتاپ ۇلگەرگەنىن ايتا كەتكەن ءجون. بۇل كينويندۋستريا دالا باتىرلارى جايلى تاريحي-ەپوستىق كينوحيكايا جانرىنىڭ دا اۋقىمىنان اسىپ،جەتىلۋدىڭ جاڭا جولىنا ءتۇستى. رەجيسسەر فارحات ءشارىپوۆتىڭ كينوتەاترلاردا كورسەتىلىپ، كورەرمەنگە قاتتى ۇناعان «القىزىل قويان تۋرالى اڭىز» اتتى ءفيلمىنىڭ كورسەتىلىمى قازاقستاننىڭ تابيعي گاز ءوندىرۋ سالاسىندا جۇمىس ىستەيتىن مۋلتيميلليونەر الپاۋىتتاردىڭ بەتىمەن كەتكەن شولجاڭ بالالارىنىڭ ءومىرىن بەينەلەيدى. ال رەجيسسەر احان ساتايەۆتىڭ «اداسقان جان» ءفيلمى –كەڭ دالانىڭ شەتسىز توسىندە اداسىپ كەتكەن وتباسىنىڭ تاۋقىمەتى تۋرالى تۇسىرىلگەن مەتافيزيكالىق تريللەر. قازاقستاندا ەل رەجيسسەرلەرى تۇسىرگەن كينوفيلمدەر كوبەيىپ كەلەدى. كينو ءتۇسىرۋ سالاسىنا جۇمسالاتىن ينۆەستيسيالار كولەمى دە ارتىپ جاتىر. ۇلتتىق كينەماتوگراف ەۋروپا،ازيا جانە امەريكاداعى ونەر ورتالىقتارىنان سەرىكتەستەردى كوپتەپ تابا باستادى. مامانداردىڭ ايتۋىنشا، سوڭعى ءۇردىس بولاشاقتا ەلدەگى كينو ونەركاسىبىنىڭ كوپتەگەن تابىستارعا جەتۋىنە جول اشادى. «ءبىز بۇل ەلدە مىقتى سەرىكتەس پەن ءوز ونەرىنە ءدۇيىم الەم جۇرتىن ءتانتى ەتە الاتىن رەجيسسەرلەردىڭ جاس بۋىنىن تاپتىق. بۇنىڭ ءبارى قازاقستاندى راسىندا دا قىزىقتى ەل ەتەدى»،- دەيدى رەسەيلىك اننا كاچكو. «قازاقستان كينو ونەركاسىبى وسىنشاما ىقىلاس پەن كوپ قايراتقا يە ەكەنىن تانىتتى. ول الداعى ۋاقىتتا دا دۇنيەجۇزىلىك كينوكورەرمەن اۋديتورياسىنىڭ نازارىنا ىلىنبەي قالا بەرەدى دەپ ايتۋعا ءداتىڭ شىدامايدى»،- دەيدى «The Screen Daily» سايتى. ءقازىر قازاقستان كينو ءتۇسىرۋ سالاسى جاعىنان اقش،رەسەي،ءۇندىستان،وڭتۇستىك كورەيادان كەيىنگى 5 ورىندا دەپ ايتۋعا بولادى. ياعني بۇل دەگەنىمىز ۇلتتىق كينو ونەركاسىبىنىڭ قارقىندى دامىپ كەلە جاتقاندىعىنىڭ دالەلى. قازاق كينوسى – قازاق تاريحى. وشپەس ءىز قالدىرار مادەني مۇرا. ەرتەڭگى كۇنگە بۇگىننەن ەستەلىك.

---