depositphotos.com
قازاقستان مەن اۆستريا زاڭسىز ميگرانتتاردى قايتارۋ تۋرالى كەلىسىمگە كەلدى: توقايەۆ زاڭعا قول قويدى
قازاقستان مەن اۆستريا اراسىنداعى زاڭسىز ميگرانتتاردى قايتارۋ جانە ترانزيت تۋرالى كەلىسىمدى راتيفيكاسيالاۋ تۋرالى زاڭعا مەملەكەت باسشىسى قاسىم-جومارت توقايەۆ قول قويدى. بۇل تۋرالى اقورداعا سىلتەمە جاساپ Infohub.kz اقپارات اگەنتتىگى حابارلايدى.
جاڭا زاڭعا سايكەس، ەكى ەل اراسىنداعى زاڭسىز جۇرگەن نەمەسە ەلدە بولۋ قۇقىعىنان ايىرىلعان تۇلعالاردى قايتارۋ جانە ترانزيتتەۋ بويىنشا قۇقىقتىق نەگىز قالاندى. بۇل كەلىسىم قازاقستان مەن اۆسترياعا ءوز اۋماعىندا زاڭسىز جۇرگەن ميگرانتتاردى، سونداي-اق ەلدە بولۋ نەمەسە تۇرۋ قۇقىعىنان ايىرىلعان ازاماتتاردى قايتارۋدىڭ ناقتى ەرەجەلەرى مەن مەرزىمدەرىن بەلگىلەيدى.
كەلىسىم تەك ەكى ەل ازاماتتارىن عانا ەمەس، ءۇشىنشى ەلدەردىڭ ازاماتتارىن جانە ازاماتتىعى جوق تۇلعالاردى دا قايتارۋ جانە ترانزيتتەۋ ءتارتىبىن انىقتايدى. ءۇشىنشى ەل ازاماتتارى وزدەرىنىڭ ازاماتتىعى بار ەلدەرگە، ال ازاماتتىعى جوق تۇلعالار سوڭعى تۇراقتى مەكەندەگەن ەلىنە نەمەسە ولارعا جول ءجۇرۋ قۇجاتتارىن بەرگەن مەملەكەتكە قايتارىلادى.
بۇل كەلىسىمدى ىسكە اسىرۋعا قازاقستاننىڭ ىشكى ىستەر مينيسترلىگى مەن اۆستريا فەدەرالدىق ىشكى ىستەر مينيسترلىگىنىڭ كوشى-قون جانە بوسقىن ماسەلەلەرى جونىندەگى فەدەرالدىق ۆەدومستۆوسى جاۋاپتى بولادى.
-
قازاقستانداعى مەكتەپ وقۋلىقتارى كەزەڭ-كەزەڭىمەن جاڭارتىلماق. ءبىلىم جانە عىلىم ءمينيسترى جۇلدىز سۇلەيمەنوۆا بۇل تۋرالى ۇكىمەت وتىرىسىندا مالىمدەدى.
-
President Kassym-Jomart Tokayev has signed a law ratifying an agreement between Kazakhstan and Austria concerning the return and transit of illegal migrants.
