InfoHub Logo

«كاسپيي» تاۋار بيرجاسى مەن بەلارۋس امبەباپ تاۋار بيرجاسى ءوزارا ىنتىماقتاستىق تۋرالى مەموراندۋمعا قول قويدى.

«كاسپيي» تاۋار بيرجاسى مەن بەلارۋس امبەباپ تاۋار بيرجاسى ءوزارا ىنتىماقتاستىق تۋرالى مەموراندۋمعا قول قويدى. قۇجات ءوزارا ساۋدانى دامىتۋ، تاجىريبە الماسۋ جانە بىرلەسكەن جوبالاردى ىسكە اسىرۋ ءۇشىن نەگىز بولادى.

مەموراندۋمعا قول قويۋ ءراسىمى 2025 جىلعى 5 ناۋرىزدا استانادا ەكى بيرجانىڭ وكىلدەرى جانە رەسمي تۇلعالاردىڭ قاتىسۋىمەن ءوتتى.

مەموراندۋمعا قول قويۋ ءوڭىردىڭ ەكى جەتەكشى بيرجاسىنىڭ ءوزارا ءىس-قيمىلىن تەرەڭدەتۋگە باعىتتالعان ماڭىزدى وقيعا بولدى.

قۇجات بىرلەسكەن جوبالاردى ىسكە اسىرۋدى، ساۋدا تەتىكتەرىن جاڭعىرتۋدى جانە وپەراسيالىق تيىمدىلىكتى ارتتىرۋعا جانە تاۋار نارىقتارىنا قاتىسۋشىلاردىڭ ينتەگراسياسىن كۇشەيتۋگە مۇمكىندىك بەرەتىن يننوۆاسيالىق شەشىمدەردى ەنگىزۋدى كوزدەيدى.

«قول قويىلعان مەموراندۋم ءبىز ءۇشىن ىنتىماقتاستىقتىڭ اۋقىمدى پەرسپەكتيۆالارىن اشادى. بۇل جاي عانا رەسمي قادام ەمەس، بۇل ءبىزدىڭ بيرجالارىمىز ءۇشىن ەڭ جاقسى تاجىريبەلەرمەن الماسۋدىڭ، ساۋدانى دامىتۋدىڭ جانە ەلدەرىمىزدىڭ ەكونوميكاسىنىڭ وسۋىنە ىقپال ەتۋدىڭ ناقتى مۇمكىندىگى. ءبىزدىڭ بىرلەسكەن كۇش-جىگەرىمىز نەعۇرلىم اشىق جانە سەرپىندى ساۋدا ورتاسىن قۇرۋعا اكەلەتىنىنە سەنىمدىمىز»، — دەپ اتاپ ءوتتى «كاسپيي» تاۋار بيرجاسى» اق پرەزيدەنتى مۇرات قاديسوۆ.

«بەلارۋس امبەباپ تاۋار بيرجاسى» ااق باسقارما ءتوراعاسى الەكساندر وسمولوۆسكيي «بۇل مەموراندۋم – ءبىزدىڭ حالىقارالىق بيرجالىق نارىقتى دامىتۋ جونىندەگى جالپى ستراتەگيامىزدىڭ ناتيجەسى. مەموراندۋم ۇزاق مەرزىمدى ىنتىماقتاستىقتىڭ نەگىزى بولادى جانە ساۋدا-ساتتىققا قاتىسۋشىلار ءۇشىن جاھاندىق نارىققا تيىمدىرەك شىعۋعا مۇمكىندىك بەرءىپ، ولارعا قولايلى جاعداي جاسايدى»، – دەپ، بىرلەسكەن باستامالاردىڭ بولاشاعىنا سەنىم ءبىلدىردى.

تاراپتار سونداي-اق قول قويىلعان قۇجات بەلارۋس رەسپۋبليكاسى مەن قازاقستان رەسپۋبليكاسى اراسىنداعى ساۋدا قاتىناستارىنا وڭ اسەر ەتەتىن جاڭا ءتيىمدى ساۋدا تەتىكتەرىن قۇرۋ ءۇشىن نەگىز بولاتىنىن اتاپ ءوتتى.

انىقتاما

«كاسپيي» تاۋار بيرجاسى» اق – مۇناي ونىمدەرىن، كومىردى جانە سەمەنتتى قوسا العاندا، تاۋارلاردىڭ كەڭ سپەكترىمەن ساۋدا جاساۋعا ماماندانعان قازاقستاننىڭ جەتەكشى بيرجالىق الاڭى. «كاسپيي» تاۋار بيرجاسى» اق ەنەرگەتيكالىق بيرجالاردىڭ ەۋروپالىق قاۋىمداستىعىنا (EUROPEX) قاۋىمداستىرىلعان مۇشە رەتىندە كىرەدى. S&P Global حالىقارالىق رەيتينگ اگەنتتىگىنىڭ ESG-باعاسىنا يە. بۇۇ جاھاندىق شارتىنىڭ تولىققاندى قاتىسۋشىسى بولعان تمد اۋماعىنداعى العاشقى بيرجالىق الاڭ سانالادى.

«بەلارۋس امبەباپ تاۋار بيرجاسى» ااق – اشىق جانە باسەكەگە قابىلەتتى ساۋدا ورتاسىن قامتاماسىز ەتۋ ءۇشىن قۇرىلعان شىعىس ەۋروپاداعى ەڭ ءىرى تاۋار بيرجالارىنىڭ ءبىرى. بيرجا حالىقارالىق قاتىسۋشىلاردىڭ بەلارۋس نارىعىنا قول جەتكىزۋىن جەڭىلدەتە وتىرىپ، ەكسپورتتىق-يمپورتتىق وپەراسيالاردى بەلسەندى دامىتىپ وتىر. بۇل شىعىس ەۋروپاداعى ەڭ ءىرى سپوت بيرجا. جىل سايىن باتب-دە 4 ملرد USD استام سوماعا 500 مىڭنان استام كەلىسىم جاسالادى، ال كليەنتتىك بازاسى 35 500 استام كليەنتتى قۇرايدى.