InfoHub Logo

قازاقستاندا مەرزىمدى اسكەري بورىشىن وتەپ جۇرگەن ساربازدارعا نەسيە تولەمدەرىن كەيىنگە شەگەرۋ مۇمكىندىگى بەرىلدى. قورعانىس مينيسترلىگىنىڭ مالىمەتىنشە، "كرەديتتىك دەمالىس" ەنگىزۋ ارقىلى ساربازدار نەسيە قارىزىن ۋاقىتشا تولەمەۋگە مۇمكىندىك الادى.بۇل تۋرالى Infohub.kz ءتىلشىسى حابارلايدى.

بۇگىنگى تاڭدا 17 مىڭنان استام اسكەري قىزمەتشى جالپى سوماسى 6،6 ملرد تەڭگەگە جۋىق نەسيە تولەمدەرىن كەيىنگە قالدىرۋ مۇمكىندىگىن يەلەنگەن. بۇل قادام ولاردىڭ نەسيە قارىزىن وتەۋ ماسەلەسىن ۋايىمداماي، وتان الدىنداعى بورىشىن وتەۋىنە جاعداي جاسايدى.

قارجى ۇيىمدارى مەن مەملەكەت اراسىنداعى كەلىسىمنىڭ نەگىزىندە:

• نەسيەنىڭ نەگىزگى قارىزى مەن سىياقىسى كەيىنگە شەگەرىلەدى.
• قارىزدى ءوندىرۋ نەمەسە سوتقا جۇگىنۋ توقتاتىلادى.
• ءماجبۇرلى ءوندىرىپ الۋ مەن سوت شەشىمدەرىن ورىنداۋ ۋاقىتشا توقتاتىلادى.

نەسيە تولەۋ مىندەتتەمەسى ۋاقىتشا توقتاتىلادى

قارجى نارىعىن رەتتەۋ اگەنتتىگى بانك قارىزدارى مەن ميكروكرەديتتەر تۋرالى اقپاراتتى جيناقتاپ، نەسيە بەرۋشىلەرگە جولدايدى. وسىعان سايكەس، اسكەرگە شاقىرىلعان ساربازداردىڭ نەسيەلەرى 13 ايعا دەيىن شەگەرىلەدى، ال بۇل ۋاقىتتا ولاردى سوتقا بەرۋ، ايىپپۇل قوسۋ نەمەسە جىلجىمايتىن مۇلىكتى تاركىلەۋ جۇزەگە اسپايدى.

بۇل باستاما جاستاردىڭ اسكەرگە بارۋ ءۇردىسىن جەڭىلدەتىپ، وتان الدىنداعى مىندەتىن ابىرويمەن وتەۋىنە مۇمكىندىك بەرەدى.