قازاقستان مەن يتاليا كەڭەيتىلگەن فورماتتا ىنتىماقتاستىقتى تالقىلادى
مەملەكەت باسشىسى قاسىم-جومارت توقايەۆ رەسمي ساپارمەن كەلگەن يتاليا مينيسترلەر كەڭەسىنىڭ ءتوراعاسى دجوردجا مەلونيمەن كەڭەيتىلگەن قۇرامدا كەلىسسوز جۇرگىزدى. كەزدەسۋگە قوس ەلدىڭ رەسمي دەلەگاسيالارى قاتىستى.
پرەزيدەنت قازاقستان مەن يتاليا اراسىنداعى ستراتەگيالىق سەرىكتەستىكتى ەرەكشە اتاپ ءوتىپ، ەكىجاقتى قارىم-قاتىناس ءوزارا قۇرمەتكە، سەنىمگە جانە ورتاق مۇددەگە نەگىزدەلگەنىن جەتكىزدى. ونىڭ ايتۋىنشا، سوڭعى 20 جىلدا يتاليا قازاقستان ەكونوميكاسىنا 7،6 ميلليارد دوللار كولەمىندە ينۆەستيسيا سالعان.
قاسىم-جومارت توقايەۆ ەلىمىزدە ENI، SDF Group، PetroValves، Maire Tecnimont جانە Ballestra سياقتى ءىرى يتاليالىق كومپانيالاردىڭ تابىستى جۇمىس ىستەپ جاتقانىن اتاپ ءوتتى. بۇگىندە قازاقستاندا جالپى سانى 270-كە جۋىق يتاليالىق كاسىپورىن بەلسەندى قىزمەت اتقارۋدا.
كەزدەسۋ بارىسىندا ساۋدا-ەكونوميكالىق بايلانىستاردى تەرەڭدەتۋ، ينۆەستيسيالىق ىنتىماقتاستىقتى ارتتىرۋ جانە ونەركاسىپ، ەنەرگەتيكا، ەكولوگيا، اگروونەركاسىپ سەكتورى مەن سيفرلىق ترانسفورماسيا سالالارىنداعى ارىپتەستىكتى كەڭەيتۋ ماسەلەلەرى ءسوز بولدى.
You Might Also Like
-
قىزىلوردا وبلىسىندا «تاڭ–قۇمكول» باعىتى بويىنشا ۇشىپ شىققان ان-2 ۇشاعى ءماجبۇرلى تۇردە قونۋعا ءماجبۇر بولىپ، بايلانىس ۇزىلگەن ەدى. ۇشاق بورتىندا 3 ادام بولعان.
-
"شەرزاتتىڭ ءولىمىن موينىما الا سالايىن دەدىم":سوتتا باستى ايىپتالۋشى ابزال شىناسىل مالىمدەمە جاسادى
