قازاقستاندا نيكابقا تىيىم سالۋ ماسەلەسى ماجىلىستە قارالىپ جاتىر — ايدا بالايەۆا
مادەنيەت جانە اقپارات ءمينيسترى ايدا بالايەۆا ەلدە نيكابقا زاڭ جۇزىندە تىيىم سالۋ ماسەلەسىنە قاتىستى پىكىر ءبىلدىردى. ءمينيستردىڭ ايتۋىنشا، بۇل ماسەلەگە قاتىستى ارنايى زاڭ قابىلدانباعانىمەن، ىشكى ىستەر مينيسترلىگى تاراپىنان ءتيىستى نورما ازىرلەنىپ، قازىرگى ۋاقىتتا ماجىلىستە قارالىپ جاتىر.
– جەكە زاڭ جوق. ءبىراق ىشكى ىستەر مينيسترلىگى تاراپىنان قارالىپ جاتقان نورما بار. بۇل نورما نيكابقا تىيىم سالۋدى كوزدەيدى. ءقازىر ول ماجىلىستە، مەنىڭ بىلۋىمشە، ءبىرىنشى وقىلىمدا تالقىلانىپ جاتىر نەمەسە تالقىلاۋ اياقتالعان بولۋى مۇمكىن، – دەدى ايدا بالايەۆا.
نيكاب – مۇسىلمان ايەلدەرى اراسىندا تارالعان كيىم ۇلگىسى، ول بەتتى تولىق نەمەسە جارتىلاي جاۋىپ، تەك كوزدى اشىق قالدىرادى. بۇل جابىن شاريعات تالاپتارىن ۇستاناتىن ايەلدەر اراسىندا ءجيى كەزدەسەدى.
ماسەلەنىڭ قوعامدا تالقىلانىپ جاتقانىنا قاراماستان، رەسمي تىيىم ازىرگە قابىلدانعان جوق. ماجىلىستەگى تالقىلاۋ ناتيجەسى بويىنشا، نورمانىڭ زاڭدىق كۇشكە ەنۋى نەمەسە وزگەرتىلۋى مۇمكىن.
You Might Also Like
-
الەمدىك نارىقتا مۇناي باعاسى ەكى كۇن قاتارىنان تومەندەپ، ينۆەستورلار مەن ترەيدەرلەردىڭ الاڭداۋشىلىعىن تۋدىردى. Brent ماركالى مۇناي ءبىر تاۋلىكتە 3 پايىزعا ارزانداپ، باررەلى 64 دوللار 65 سەنتكە دەيىن...
-
شەرزات بولات سوتىندا كۇلىپ بارا جاتقانداردىڭ ۆيدەوسىن تاراتقاندار جازالاندى،دەپ جازادى ينفوحاب ءتىلشىسى.
