قازاقستان مەن وزبەكستان پرەزيدەنتتەرى الماتىدا بەيرەسمي كەزدەسۋ وتكىزدى
Infohub.kz: قازاقستان پرەزيدەنتى قاسىم-جومارت توقايەۆ وزبەكستان باسشىسى شاۆكات ميرزيويەۆتى الماتىعا ساپارمەن كەلگەنى ءۇشىن جىلى قارسى الدى. ول وسىنداي بەيرەسمي كەزدەسۋلەر ەكى ەل اراسىنداعى دوستىق بايلانىستاردى نىعايتۋعا سەپتىگىن تيگىزەتىنىن اتاپ ءوتتى.
مەملەكەت باسشىلارى ساياسي، ساۋدا-ەكونوميكالىق، كولىك-لوگيستيكالىق، ينۆەستيسيالىق، ەنەرگەتيكالىق جانە سۋ رەسۋرستارى سالالارىنداعى ىنتىماقتاستىقتى دامىتۋ جايىن جان-جاقتى تالقىلادى. سونىمەن قاتار، ونەركاسىپتىك كووپەراسيا مەن ءتۋريزمدى وركەندەتۋ ماسەلەلەرى قارالدى.
وزبەكستان پرەزيدەنتى قازاقستانعا كەلگەنىنە ريزاشىلىعىن ءبىلدىرىپ، ەكى ەل اراسىنداعى قارىم-قاتىناستىڭ جاڭا دەڭگەيگە كوتەرىلگەنىن ايتتى. ونىڭ پىكىرىنشە، ءوزارا سەنىم مەن سىيلاستىقتىڭ ارقاسىندا بىرلەسكەن جوبالار مەن كەلىسىمدەر ءساتتى جۇزەگە اسىرىلىپ جاتىر.
تاراپتار قازاق-وزبەك ستراتەگيالىق ارىپتەستىگىن ودان ءارى نىعايتۋعا دايىن ەكەنىن تاعى دا راستادى. سونىمەن قاتار، مادەني-گۋمانيتارلىق ىنتىماقتاستىقتى كەڭەيتۋگە ەرەكشە كوڭىل ءبولىندى.
You Might Also Like
-
دەنساۋلىق ساقتاۋ ءمينيسترى اقمارال ءالنازاروۆا مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىن قارجىلىق تۇراقتاندىرۋ ءۇشىن جاڭا وزگەرىستەر ەنگىزىلەتىنىن مالىمدەدى.
-
وڭتۇستىك-شىعىس ازيادا جويقىن جەر سىلكىنىسى بولدى،-دەپ حابارلايدى Infohub.kz.
