قازاقستان مەن قىرعىزستان شەكاراسىندا جەر سىلكىنىسى بولدى،-دەپ حابارلايدى Infohub.kz.

24 ناۋرىزدا استانا ۋاقىتى بويىنشا ساعات 11:17-دە سەيسمولوگتار قازاقستان مەن قىرعىزستان شەكاراسىندا جەر سىلكىنىسىن تىركەدى. بۇل تۋرالى سەيسمولوگيالىق باقىلاۋلار مەن زەرتتەۋلەر ۇلتتىق عىلىمي ورتالىعى حابارلادى.

ورتالىقتىڭ مالىمەتىنشە، جەر سىلكىنىسىنىڭ ەپيسەنترى الماتى قالاسىنان وڭتۇستىك-شىعىسقا قاراي 207 شاقىرىم جەردە ورنالاسقان. جەر استى دۇمپۋلەرى قازاقستان اۋماعىندا سەزىلگەن جوق.

قازىرگى ۋاقىتتا زارداپ شەككەندەر نەمەسە قيراندىلار تۋرالى اقپارات تۇسكەن جوق. ماماندار جاعدايدى باقىلاۋدا ۇستاپ وتىر.

قازاقستان ورتالىق ازياداعى سەيسميكالىق بەلسەندى ايماقتاردىڭ ءبىرى بولىپ سانالادى. اسىرەسە، الماتى ماڭى مەن تاۋلى ايماقتاردا جەر سىلكىنىستەرى ءجيى تىركەلەدى. عالىمدار حالىققا ساقتىق شارالارىن ۇستانۋدى جانە جەر سىلكىنىسى كەزىندەگى قاۋىپسىزدىك ەرەجەلەرىن ءبىلۋدى ۇسىنادى.