«قازاقستان ءمۇعالىمى 2020» ۇلتتىق سىيلىعىنىڭ يەگەرىنە $10 مىڭ تابىستالادى
قوعامدىق ماڭىزدى باستامالاردى دامىتۋ قورى «قازاقستان ءمۇعالىمى 2020» ۇلتتىق سىيلىعىن تابىستايدى. جەڭىمپاز $10 000 كولەمىندەگى قارجىلاي جۇلدەگە يە بولادى، سونىمەن قاتار فينالعا قاتىسۋشى 10 ۇزدىك ۇستازدىڭ ساۋالناماسى نوبەل سىيلىعىنىڭ پەداگوگتارعا ارنالعان تەڭدەسسىز «الەم ءمۇعالىمى» جاھاندىق سىيلىعىنىڭ ىرىكتەۋ كەزەڭىنە جىبەرىلەدى.
2020 جىلدان باستاپ «ۇزدىك پەداگوگ 2019» رەسپۋبليكالىق جارىسىنىڭ قاتىسۋشىلارىنان باسقا، ەڭبەك ءوتىلى ءۇش جىلدان كەم ەمەس، باستاپقى جانە ورتا ءبىلىم مەكەمەلەرىنىڭ پەداگوگى «قازاقستان ءمۇعالىمى 2020» ۇلتتىق سىيلىعىنا ۇمىتكەر ولا الادى.
وعان قاتىسۋ ءۇشىن www.teacherprize.kz رەسمي سايتىندا ساۋالناما تولتىرۋ قاجەت. ساۋالنامالار 2020 جىلدىڭ 1 مامىرىنان 1 قىركۇيەگىنە دەيىن قابىلدانادى.
«ساۋالنامادا باعالاناتىن نەگىزگى كريتەرييلەردىڭ ءبىرى - پەداگوگتىڭ قوعامدىق ماڭىزى بار الەۋمەتتىك ىستەرگە قاتىسۋى. قوعامدىق جوبالاۋ وقۋشىلاردىڭ تۇلعالىق قالىپتاسۋىندا ۇلكەن ءرول اتقارادى. پەداگوگتىڭ الەۋمەتتىك جوبالاردا ەڭبەكتەنۋى بالالاردى بىرىكتىرۋگە، ولاردىڭ قارىم-قاتىناسىن شىعارماشىلىققا تولتىرۋعا، بالالاردى پايدالى ىستەرگە قوسۋعا جانە ولاردىڭ سانا-سەزىمىن تاربيەلەۋگە مۇمكىندىك بەرەدى. ۇمىتكەرلەردى ءادىل ىرىكتەۋدى تاۋەلسىز قازىلار اكادەمياسى جۇرگىزەدى. ولاردىڭ قاتارىنا ءبىلىم جانە عىلىم مينيسترلىگىنىڭ، اتا-انالار قاۋىمداستىعىنىڭ وكىلدەرى، ءبىلىم سالاسىنداعى تاۋەلسىز ساراپشىلار، پەداگوگيكانىڭ جەتەكشى ماماندارى، قوعام قايراتكەرلەرى، ەلىمىزدىڭ فيلانتروپتارى كىرەدى. حالىقارالىق اۋديتورلىق كومپانيا ىرىكتەۋ ۇدەرىسىنىڭ ءاۋديتى، باعالاۋى جانە تەستىلەۋىنە قاتىسىپ، ىرىكتەلگەن ۇمىتكەرلەردىڭ بەدەلى مەن ءومىرباياندارىنا تەرەڭدەتىلگەن شولۋ جۇرگىزەدى. ىرىكتەۋ ۆاركە قورىنىڭ (Varkey Foundation) ورناتقان كريتەرييلەرىنە سايكەس وتەدى» دەلىنگەن حابارلامادا.
«قازاقستان ءمۇعالىمى 2019» ۇلتتىق سىيلىعىنىڭ جەڭىمپازى قوعامدىق ماڭىزدى باستامالاردى دامىتۋ قورىنىڭ $10 000 كولەمىندەگى قارجىلاي جۇلدەسىن جانە «جاھاندىق سىيلىقتىڭ قازاقستانداعى امباسسادورى» اتاعىن يەلەنەدى. بۇعان دەيىن بۇل جۇلدەنى نۇر-سۇلتان قالاسى دارىندى جاسوسپىرىمدەرگە ارنالعان «ءبىلىم-يننوۆاسيا» ليسەي-ينتەرناتىنىڭ ماتەماتيكا ءپانى ءمۇعالىمى گۇل مۋاممەر جەڭىپ العان. گۇل مۋاممەر جاھاندىق سىيلىق جەڭىمپازىنىڭ ەسىمى جاريالاناتىن ءبىلىم جانە داعدى بۇكىلالەمدىك فورۋمىنا (Global Education and Skills Forum) قاتىسادى. سىيلىق جايلى تولىق اقپاراتتى 8 702 278 70 78 ءنومىرى ارقىلى الۋعا بولادى.
You Might Also Like
-
شۇبەرەك قابىعى، ءىشى قۇس مامىعى. (جاستىق)
-
25 مامىر كۇنى ەلىمىزدىڭ بارلىق مەكتەپتەرىندە وقۋ جىلىنىڭ اياقتالۋىنا وراي سوڭعى قوڭىراۋ ونلاين رەجيمدە سوعىلادى. بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ايتتى.
