تۇلەكتەردىڭ مەكتەبىنە، ۇستازدارىنا سىيلىق بەرۋىنە تىيىم سالىنادى
مەكتەپ تۇلەكتەرىنىڭ ءبىلىم ورداسىنا، ۇستازدارىنا سىيلىق بەرۋىنە تىيىم سالىنادى. بۇل تۋرالى ق ر ءبىلىم جانە عىلىم ۆيسە-مينيسترى شولپان كارينوۆا ايتتى.
«بيىلعى وقۋ جىلىنىڭ بىتۋىنە، مەكتەپ شارالارىن وتكىزۋگە بايلانىستى قاراجات جينالماۋى قاتاڭ تارتىپتە باقىلانۋى ءتيىس. وعان ءاربىر مەكتەپتىڭ باسشىسى جەكە جاۋاپ بەرەدى. مەكتەپتىڭ اكىمشىلىگى جانە قامقورشىلىق كەڭەسى بارلىق اتا-انالارمەن مەكتەپكە نەمەسە مۇعالىمدەرگە، سىنىپ جەتەكشىلەرىنە سىيلىق جاساۋعا بولمايتىندىعى جونىندە جۇمىس جۇرگىزۋى قاجەت»، — دەدى شولپان كارينوۆا مينيسترلىكتىڭ Facebook پاراقشاسىندا ونلاين رەجيمدە وتكەن اپپارات جينالىسىندا.
ونىڭ اتاپ وتۋىنشە، تۇلەكتەردىڭ قاتىسۋىمەن وتەتىن ءىس-شارالار مەكتەپتە 11-سىنىپپەن جۇمىس ىستەيتىن پەداگوگتەردىڭ، سىنىپ جەتەكشىلەرىنىڭ ۇيىمداستىرۋىمەن جۇرگىزىلۋى قاجەت.
«وسى ءىس-شارالاردى وتكىزۋ بارىسىندا جاساۋعا بولمايتىن جايتتارعا تاعى ءبىر نازارلارىڭىزدى اۋدارامىز. بىرىنشىدەن، ءىس-شارالاردى وتكىزۋ بارىسىندا ءارتۇرلى اگەنتتىكتەردى، جەكەمەنشىك ستۋديالاردى نە انيماتورلاردى شاقىرۋعا بولمايدى. مۇنداي ءىس-شارالار كەڭ اۋقىمدى بولماۋى دا قاجەت. مەرەكەلىك داستارقان جاياۋ ماسەلەسى مۇلدەم قاراستىرىلماۋى ءتيىس. مەكتەپ بىتىرۋشىلەر بىرنەشە اۆتوموبيل جالداپ، قالا ءىشىن، جەرگىلىكتى جەرلەردى ارالاماۋى كەرەك. مەيرامحانا، ءدامحانا جانە باسقا دا كوڭىل كوتەرۋ ورىندارىندا تۇلەكتەردىڭ قاتىسۋىمەن شارالار بولدىرماۋ ءۇشىن اتا-انالارمەن ءتيىستى جۇمىستى جۇرگىزىلۋى قاجەت»، — دەدى شولپان كارينوۆا.
You Might Also Like
-
ۇقسايتىن شەڭبەرگە قابىرعاسى جيىلىپ، كەرىلەدى. جيھازى ول كەڭ بولمە، توبەسىنەن جۇلدىزدار كورىنەدى. (كيىز ءۇي)
-
بيىل پەداگوگتتەردى اتتەستاتتاۋ 3 كەزەڭمەن وتەدى. بۇل تۋرالى ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا ايتتى.
