اكوردا
قازاقستان تاريحىنىڭ التىنشى تومى بەكىتىلدى
قازاقستان تاريحىنىڭ جەتى تومدىق اكادەميالىق باسىلىمىن دايىنداۋ جونىندەگى رەداكسيا القاسىنىڭ كەزەكتى وتىرىسى الماتىدا ءوتتى. جيىندى مەملەكەتتىك كەڭەسشى ەرلان كارين باسقاردى.
بۇل تۋرالى Infohub.kz اقپارات اگەنتتىگى حابارلايدى.
قازاقستاننىڭ كەڭەستىك كەزەڭدەگى تاريحى
وتىرىستا قازاقستاننىڭ كەڭەستىك كەزەڭىن قامتيتىن التىنشى تومنىڭ قولجازباسى تالقىلاندى. اۆتور ۇجىمىنىڭ جەتەكشىسى، تاريح عىلىمدارىنىڭ كانديداتى كۇلعازىرا بالتابايەۆا الدىڭعى وتىرىستا رەداكسيا القاسى مۇشەلەرىنەن تۇسكەن ۇسىنىستار ەسكەرىلىپ، جاڭارتىلعان التىنشى تومنىڭ مازمۇنىن تانىستىردى.
قوسىمشا رەداكسيالاۋ بارىسىندا 120-دان استام ەسكەرتۋ مەن ۇسىنىس ەسەپكە الىنعان. كۇلعازىرا بالتابايەۆانىڭ ايتۋىنشا، التىنشى توم جالپى 7 بولىمنەن، 19 تاراۋدان جانە 126 پاراگرافتان تۇرادى. اۆتور ۇجىمىنا 70-تەن استام عالىم مەن زەرتتەۋشى قاتىسقان.
رەداكسيا القاسىنىڭ پىكىرلەرى
رەداكسيا القاسى وتىرىسىندا تاريح عىلىمدارىنىڭ دوكتورى، پروفەسسور بۇركىتباي اياعان، الەۋمەتتىك عىلىمدار دوكتورى، فيلوسوفيا، ساياساتتانۋ جانە ءدىنتانۋ ينستيتۋتىنىڭ باس ديرەكتورى ايگۇل سادۆوقاسوۆا، ساياسات عىلىمدارىنىڭ كانديداتى، «التەرناتيۆا» اكتۋالدى زەرتتەۋلەر ورتالىعىنىڭ ديرەكتورى اندرەي چەبوتاريەۆ سىندى عالىمداردىڭ رەسەنزيالارى تىڭدالدى.
سونداي-اق، رەداكسيا القاسىنىڭ مۇشەلەرى مامبەت قويگەلدييەۆ، كەنجەحان ماتىجانوۆ، ءدىحان قامزابەك ۇلى، نۇرسان ءالىمباي، ەركىن ءابىل، حانكەلدى ءابجانوۆ ءوز ويلارىن ورتاعا سالدى.
التىنشى توم بەكىتىلدى
وتىرىس قورىتىندىسى بويىنشا، رەداكسيا القاسى جالپى داۋىسپەن التىنشى تومدى باسپاعا دايىنداۋ تۋرالى شەشىم قابىلدادى.
كەلەسى وتىرىستا القا مۇشەلەرى «قازاقستان تاريحى: ەجەلگى زاماننان بۇگىنگە دەيىن» اتتى ەڭبەكتىڭ سوڭعى، جەتىنشى تومىن قارايدى. بۇل توم تاۋەلسىز قازاقستان كەزەڭىنە ارنالعان.
-
سادىر جاپاروۆ وبراتيلسيا ك گلاۆام گوسۋدارستۆ پەرەد ۆىبورامي ۆ سوۆەت بەزوپاسنوستي وون، پودچەركنۋۆ نەوبحوديموست سپراۆەدليۆوگو پرەدستاۆيتەلستۆا.
-
The editorial board has greenlit the sixth volume of Kazakhstan's comprehensive academic history، focusing on the Soviet era.
