InfoHub Logo

الماتىدا QYZMET اتتى كۋرەرلەر وداعى قۇرىلدى

قازاقستاندا العاش رەت كۋرەرلەردىڭ مۇددەلەرىن قورعاۋعا باعىتتالعان قوعامدىق ۇيىم — QYZMET كۋرەرلەر وداعى قۇرىلدى. بۇل باستاما 2025 جىلدىڭ مامىر ايىندا جۇزەگە استى. وداقتىڭ نەگىزىن قالاۋشىسى — پروفەسسور، عىلىم دوكتورى الماس مۇحامەتوۆ، ال ۇيىم ءتوراعاسى بولىپ رينات شاياحمەتوۆ تاعايىندالدى.

كۋرەرلەردىڭ قۇقىقتارى مەن قاۋىپسىزدىگى كۇن تارتىبىندە

الماس مۇحامەتوۆتىڭ ايتۋىنشا، كۋرەرلەر ۇزاق ۋاقىت بويى الەۋمەتتىك جانە ەڭبەك قۇقىقتارىنان تىس قالىپ كەلەدى. ولار كۇنىنە 10–12 ساعات جۇمىس ىستەيدى، دەمالىسسىز، مەديسينالىق ساقتاندىرۋسىز جانە ەڭبەك شارتىسىز. پلاتفورمالارمەن جۇمىس ىستەۋ كەزىندە ولار 40%-عا دەيىنگى كوميسسيا تولەيدى، ال كەيدە اككاۋنتتارى سەبەپسىز بۇعاتتالادى.

سونداي-اق، كۋرەرلەردىڭ دەمالاتىن ايماقتارى جوق، سانيتارلىق جاعدايلار جاسالماعان، پلاتفورما يەلەرىمەن جانە مەملەكەتپەن بايلانىس ءالسىز.

QYZMET وداعى قانداي ماسەلەلەردى شەشۋدى كوزدەيدى؟

كۋرەرلەر وداعى كەلەسى باعىتتاردا جۇمىس جۇرگىزۋدى جوسپارلاپ وتىر:

1. 24/7 قولداۋ قىزمەتىن ىسكە قوسۋ – زاڭگەر، پسيحولوگ جانە كەڭەسشى ماماندار قولجەتىمدى بولادى.

2. "الماتى كۋرەر كارتاسىن" جاساۋ – دەمالىس ورىندارى، ءقاۋىپتى ايماقتار مەن سانيتارلىق نۇكتەلەر كورسەتىلەدى.

3. وقۋ پلاتفورماسىن ىسكە قوسۋ – جول ءجۇرۋ ەرەجەلەرى، ءوزىن-وزى جۇمىسپەن قامتۋ، قۇقىقتىق ساۋاتتىلىق.

4. اگرەگاتورلارمەن تاريفتەردى اشىق ەتۋ جونىندە كەلىسسوزدەر جۇرگىزۋ.

5. كۋرەر ەڭبەگىن زاڭمەن مويىنداتۋ جانە قورعاۋ ءۇشىن زاڭ جوبالارىن ۇسىنۋ.

"كۋرەر – بۇل ۋاقىتشا جۇمىس ەمەس، بۇل ماماندىق"

قازىرگى تاڭدا الماتىدا 20 مىڭنان استام كۋرەر جۇمىس ىستەيدى. ال بۇكىل ەل بويىنشا ولاردىڭ سانى 500 مىڭعا جۋىق، دەپ حابارلايدى ق ر ەڭبەك مينيسترلىگىنە سىلتەمە جاساعان ب ا ق.

الماس مۇحامەتوۆتىڭ پىكىرىنشە، كۋرەرلەر — قازىرگى زامانعى ەكونوميكانىڭ كورىنبەيتىن قوزعاۋشى كۇشى. ولاردى "قوسىمشا قىزمەت" رەتىندە ەمەس، قوعامنىڭ تولىققاندى مۇشەسى رەتىندە تانۋ قاجەت. پرەزيدەنت قاسىم-جومارت توقايەۆ ۇدايى ازاماتتىق قوعام مەن ەڭبەك ادىلەتتىلىگى ماسەلەلەرىن كوتەرىپ كەلەدى. بۇل باعىتتاعى باستامالار دا مەملەكەت ساياساتىنا ساي كەلەدى.

كۋرەرلەردىڭ شىنايى داۋىسى: سەزدە ايتىلعان وقيعالار

2025 جىلدىڭ 25 مامىرىندا الماتىدا QYZMET وداعىنىڭ العاشقى قۇرىلتاي سەزى ءوتتى. شاراعا 150-دەن استام ادام قاتىستى: كۋرەرلەر، زاڭگەرلەر، ساراپشىلار.

كۋرەر ەرنازار (شىمكەنت):

«بانككە قۇجات اپارىپ بارا جاتقاندا ءسۇرىنىپ، اياعىمدى سىندىرىپ الدىم. ەشكىم كومەكتەسپەدى. ساقتاندىرۋ دا، كەشىرىم دە بولمادى. ءبىراق مەن سىنىپ قالعان جوقپىن. ەندى بىزدە وداق بار. ءبىز جالعىز ەمەسپىز.»

شىڭعىس (الماتى):

«مەن دارىگەرمىن. ءبىراق كۋرەر بولىپ جۇمىس ىستەۋگە ءماجبۇر بولدىم. ءقازىر وداقتىڭ ارقاسىندا ءبىزدى كورەدى. ەڭبەگىمىز ەلەنىپ كەلەدى.»

بەكارىس (الماتى):

«كورەيادا ەڭبەككە قۇرمەتپەن قارايدى. ءبىز دە سونداي قۇرمەتكە لايىقپىز. QYZMET – بۇل ءبىزدىڭ داۋسىمىز.»

كۋرەرلەرگە كومەك قالاي كورسەتىلەدى؟

QYZMET كۋرەرلەر وداعى ازىرگە ءوز قىزمەتتەرىن تەگىن كورسەتىپ وتىر. التى ايدان كەيىن مۇشەلىك جارنا — ايىنا 1000 تەڭگە بولماق. بايلانىس ءۇشىن:

📱 Instagram: @qyzmet_kz1
🎥 TikTok: @qyzmet_kz
💬 Telegram: t.me/qyzmetkz
📞 تەلەفون: +7 771 975 15 10
📧 Email: qyzmet.kz11@gmail.com