شىمكەنتتە “جۇماققا” بيلەت ساتىلعان ءىس-شارا قوعامدا قىزۋ تالقىعا ءتۇستى
شىمكەنتتە وتكەن ءدىني سيپاتتاعى شارا بارىسىندا ازىلكەش عالىمجان قۇرمانبەكتىڭ "ءجانناتقا تالون" ساۋدالاعانى جايلى ۆيدەو الەۋمەتتىك جەلىدە تاراپ، قوعامدا ءتۇرلى پىكىر تۋعىزدى. ۆيدەو كادرلارىندا قۇرمانبەك قولىنا تالون ۇستاپ، «ءجانناتقا اسىعايىق! ءجانناتقا تالاسىڭدار!» دەپ، قۇنى 1 ميلليوننان 50 ميلليون تەڭگەگە دەيىنگى ارالىقتاعى قاعازداردى كوپشىلىككە ۇسىنىپ جاتقانى بەينەلەنگەن.
شارادا جينالعانداردىڭ ءبىرى 1 ميلليون تەڭگەنى قولما-قول شىعارىپ، “ءجاننات تالوندارىن” ساتىپ العان ءساتى دە ۆيدەوعا ءتۇسىپ قالعان. بۇل جاعدايعا قاتىستى ازىلكەشتىڭ ءوزى دە تاڭدانىسىن جاسىرا الماي، «جىگىتتەردىڭ قالتاسىندا اشەيىن 1 ملن تەڭگە ءجۇر مە؟ بازار جوق. 10 ملندىق تالوننان ەكەۋ كەتتى»، – دەپ ايتىپ، ەل اراسىندا پىكىر تۋعىزدى.
قوعام بەلسەندىلەرى مەن جەلى قولدانۋشىلارى مۇنداي ارەكەتتى ءدىني سەنىممەن ويىنعا اينالدىرۋ دەپ باعالاپ، تەرىس قابىلداۋدا. ءقازىر بۇل ءىس-شارا مەن ونىڭ مازمۇنىنا قاتىستى جاۋاپتى ورگانداردىڭ تۇسىنىكتەمەسى كۇتىلۋدە.
You Might Also Like
-
تالدىقورعان قالاسى. شەرزات پولاتتىڭ ولىمىنە بايلانىستى ءوتىپ جاتقان كەزەكتى سوت وتىرىسى جانجالمەن باستالدى. وعان الەۋمەتتىك جەلىدە تاراعان بەينەجازبا سەبەپ بولدى. ۆيدەودا ايىپتالۋشىلار سوت زالىندا ك...
-
رەسەي فەدەراسياسىنىڭ پرەزيدەنتى ۆلاديمير پۋتين ۋكرايناعا ەشقانداي شارت قويماستان تىكەلەي كەلىسسوزدەر جۇرگىزۋدى ۇسىندى.
