InfoHub Logo

قازاقستاندا مىندەتتى اۆتوساقتاندىرۋ ءپوليسىنىڭ قۇنىن ەسەپتەۋ ءتارتىبى وزگەرەدى. قارجى نارىعىن رەتتەۋ جانە دامىتۋ اگەنتتىگى (قنردا) دايىنداعان قاۋلى جوباسى بويىنشا، «بونۋس-مالۋس» جۇيەسى قايتا قارالادى. بۇل وزگەرىستەر بارلىق كولىك يەلەرىنە اسەر ەتەدى.

بۇل تۋرالى Infohub.kz اقپارات اگەنتتىگى حابارلايدى.

جۇرگىزۋشىلەر ءۇشىن جاڭاشىلدىقتار

جاڭا ەرەجەلەردە بۇرىنعى 15 سىنىپتىق «بونۋس-مالۋس» جۇيەسىنەن ايىپپۇلدىق ەكى سىنىپ (م2 جانە م1) الىنىپ تاستالادى. ەڭ تومەنگى سىنىپ «م» بولىپ قالادى، ونىڭ كوەففيسيەنتى 2،45-كە تەڭ. بۇل وزگەرىس ەڭ ءتارتىپسىز جۇرگىزۋشىلەر ءۇشىن ساقتاندىرۋ سىياقىسىن 30%-عا دەيىن تومەندەتۋگە مۇمكىندىك بەرەدى.

ال اپاتتى جاعدايلارعا كەلگەندە، ەگەر جۇرگىزۋشى كىناسىنەن ادام ولىمىنە نەمەسە قىلمىستىق جاۋاپكەرشىلىككە اكەپ سوعاتىن جول ەرەجەسىن بۇزۋشىلىق بولسا، وعان 20% ۇستەمەاقىسى بار «م» سىنىبى بەرىلەدى. بۇل جاعدايدا كوەففيسيەنت 2،94-كە جەتەدى.

سكيدكالار ازايادى

كەرىسىنشە، بەزاۆاريالىق جۇرگىزۋشىلەر ءۇشىن كوەففيسيەنتتەر وسەدى. مىسالى، ەڭ جوعارى 13ء-شى سىنىپ بويىنشا كوەففيسيەنت 0،50-دەن 0،70-كە دەيىن ۇلعايتىلادى. بۇل دەگەنىمىز، 50% سكيدكا 30%-عا دەيىن قىسقارادى.

0، 1، 2 جانە 3ء-شى سىنىپتار ءۇشىن كوەففيسيەنتتەر وزگەرىسسىز قالادى: 2،30، 1،55، 1،40 جانە 1،00.

ساقتاندىرۋشىلاردىڭ قۇقىعى كەڭەيەدى

ەڭ ماڭىزدى جاڭالىقتاردىڭ ءبىرى – ساقتاندىرۋشىلار ەندى كليەنتتىڭ تاۋەكەلدىلىگىن وزدەرى باعالاي وتىرىپ، پوليس قۇنىن 10%-عا دەيىن وزگەرتە الادى. بۇعان دەيىن بارلىق كليەنتتەر ءۇشىن بىردەي كوەففيسيەنت قولدانىلعان بولاتىن. ەندى ساقتاندىرۋ كومپانيالارى كليەنتتىڭ جەكە تاۋەكەلدەرىن ەسكەرە وتىرىپ، پوليس باعاسىن 10%-عا دەيىن ارزانداتا نەمەسە قىمباتتاتا الادى. بۇل شەشىمدەردى كومپانيانىڭ ديرەكتورلار كەڭەسى بەكىتىپ، ءاربىر كليەنت ءۇشىن ءبىرىڭعاي بازادا تىركەلۋى ءتيىس.

بۇدان بولەك، اۋماقتىق كوەففيسيەنتتەرگە قاتىستى وزگەرىستەر دە قاراستىرىلۋدا. الايدا، 17 وبلىس پەن الماتى، استانا، شىمكەنت قالالارى بويىنشا كوەففيسيەنتتەر وزگەرىسسىز قالادى. بۇل جوبا ميلليونداعان قازاقستاندىق جۇرگىزۋشىلەردىڭ مۇددەسىنە قاتىستى بولعاندىقتان، ونىڭ تۇپكىلىكتى نۇسقاسى مەن قابىلدانۋ مەرزىمى كوپشىلىك تالقىلاۋىنىڭ قورىتىندىسىنا بايلانىستى بولادى.