قازاقستاندا بالاباقشالار قانداي تارتىپپەن جۇمىس ىستەيدى
ق ر پرەمەر-مينيسترىنىڭ ءبىرىنشى ورىنباسارى ەرالى توعجانوۆ كارانتين رەجيمىندەگى بالاباقشالاردىڭ جۇمىس ءتارتىبىن ءتۇسىندىردى.
«بالاباقشالارعا تىيىم بولعانىمەن، بۇگىن ءبىراز ازاماتتارعا جۇمىس ىستەۋگە مۇمكىندىك بەردىك. بۇگىن قانشاما ءوندىرىس ورىندارىندا، قىزمەت كورسەتۋ سالاسىندا جۇمىسقا شىعۋعا رۇقسات بەرىلدى. ءبىراق، جۇمىس ىستەۋگە مۇمكىندىك بەرىلگەنىمەن، كوپتەگەن ازاماتتاردىڭ ءسابيى بار. وندا دا قاراستىرىپ وتىرمىز»، — دەدى ە. توعجانوۆ ۇكىمەتتە وتكەن ونلاين بريفينگتە.
ونىڭ ايتۋىنشا، جۇمىسقا شىعاتىن اتا-انالار بالاسىن بالالاباقشاعا اپارا الادى. ءبىراق، بالا سانىنا ارنايى شەكتەۋلەر قويىلادى.
«ورتا ەسەپپەن ءبىر توپتا 25-30 بالا بولسا، قازىرگى شەكتەۋلەردى ەسكەرە وتىرىپ، ءار توپتا 15 بالادان اسپايتىنداي دەڭگەيگە جەتكىزۋىمىز كەرەك. سوندىقتان، ءاربىر جۇمىس ىستەيتىن اتا-انا بالالارىن بالاباقشاعا بەرە الادى. ءارى قاراي دا بۇل باعىتتا جاعداي جاساۋعا تىرىسامىز»، — دەدى ەرالى توعجانوۆ.
You Might Also Like
-
ج ش س «كاسپيي ءوڭىرى «بولاشاق»كوللەدجى» چۋۆاكبايەۆا اسىلاي وسگەنبايەۆنا
-
ق ر ءبىلىم جانە عىلىم مينيسترلىگى توتەنشە جاعداي رەجيمىنەن كەيىن بالاباقشالار قالاي جۇمىس ىستەيتىن ءمالىم ەتتى.
