InfoHub Logo

ق ر ءبىلىم جانە عىلىم مينيسترلىگى توتەنشە جاعداي رەجيمىنەن كەيىن بالاباقشالار قالاي جۇمىس ىستەيتىن ءمالىم ەتتى.

«COVID-19 ينفەكسياسىنىڭ ءوسۋ دەڭگەيى جەتى كۇن ىشىندە 7%-دان اسپاعان جاعدايدا مەكتەپكە دەيىنگى ۇيىمدار سانيتارلىق قاۋىپسىزدىك شارالارىن ساقتاي وتىرىپ جۇمىسىن باستايدى. ق ر ءبىلىم جانە عىلىم مينيترلىگى جۇمىس الگوريتمىن ازىرلەپ، ايماقتىق ءبىلىم باسقارمالارىنا جىبەردى. مەكتەپكە دەيىنگى ۇيىمدار جۇمىسىن باستاۋ تۋرالى شەشىمدى جەرگىلىكتى ءبىلىم باسقارمالارى جانە ءبىلىم بولىمدەرى وزدەرى قابىلدايدى.

بالالار مەن قىزمەتكەرلەرگە ءقاۋىپسىز جاعدايدى جاساۋعا، ولاردىڭ ءومىرى مەن دەنساۋلىعىن ساقتاۋعا باسشىسى جاۋاپتى»، دەلىنگەن حابارلامادا.

بالاباقشالارعا ءبىرىنشى كەزەكتە اتا-انالارى جۇمىسقا باراتىن جانە ۇيدە جالعىز قالا المايتىن بالالار قابىلدانادى. سودان كەيىن اتا-انالاردىڭ قالاۋى بويىنشا كەلەتىن بالالاردى قابىلدايدى.

«اتا-انا بالاسىن بالاباقشاعا اكەلگىسى كەلسە، تاربيەشىلەرگە ايتۋى كەرەك. تاربيەشى باسشىسىنا بالاباقشاعا كەلگىسى كەلەتىن بۇلدىرشىندەردىڭ سانىن حابارلايدى. باسشىلىق كۇن سايىن بىردەي جاستاعى نەمەسە ءارتۇرلى جاستاعى بالالاردىڭ توپتارىن قۇرايدى. ءار توپتا بالا سانى 15-تەن اسپاۋى كەرەك.

بالا سانىنا بايلانىستى جۇمىسقا شىعاتىن قىزمەتكەرلەر ءتىزىمى جاسالىپ، كۇن سايىن تۇزەتىلىپ وتىرادى.

اكىمشىلىك اتا-انالارعا بالانىڭ بالاباقشاعا كەلۋ ماسەلەسى بويىنشا ءتۇسىندىرۋ جۇمىستارىن جۇرگىزۋى كەرەك (جۇمىس رەجيمى، جاس توپتارى، دەنساۋلىق جاعدايى، ءتيىستى كيىم، كۇن ءتارتىبىن ساقتاۋ جانە ت.ب.)»، دەلىنگەن حابارلامادا.

بۇلدىرشىندەردى تاربيەشى مەن مەديسينا قىزمەتكەرى قابىلدايدى، بالالاردىڭ تەرىسىن قاراپ، تەمپەراتۋراسىن ولشەيدى.

«بالاباقشادا 3 كۇننەن ارتىق بولماعان جاعدايدا، ۋچاسكەلىك پەدياتردان دەنساۋلىق جاعدايى تۋرالى انىقتاما ۇسىنىلۋى ءتيىس.

سونداي-اق، كۇن سايىن تاڭەرتەڭ مەديسينا قىزمەتكەرى بالاباقشانىڭ بارلىق قىزمەتكەرىن تەكسەرىپ وتىرادى. مەديسينا قىزمەتكەرى كۇنىنە ەكى رەت توپتاردى ارالاپ، بالالاردىڭ جاعدايىن باقىلاپ وتىرادى.

ۇسىنىلاتىن جۇمىس ۋاقىتى — ساعات 9.00-دەن 18.00-گە دەيىن»، دەلىنگەن حابارلامادا.

---