InfoHub Logo

قازاقستاندا دەكرەتتىك تولەمدەرگە قاتىستى جاڭا وزگەرىستەر ەنگىزىلەدى. مەملەكەتتىك الەۋمەتتىك ساقتاندىرۋ قورىنىڭ وكىلدەرى بۇل وزگەرىستەر تولەمدەردى ءادىل جانە تۇراقتى ەتۋگە باعىتتالعانىن مالىمدەدى. جاڭا جۇيە بويىنشا ەندى جوعارى تابىس تاباتىن ايەلدەر بۇرىنعىداي ۇلكەن كولەمدە تولەم الا المايدى.

بۇرىنعى جۇيە قالاي جۇمىس ىستەدى؟

بۇعان دەيىن دەكرەتتىك تولەمدەردى ەسەپتەۋ كەزىندە ازاماتتاردىڭ سوڭعى 12 ايداعى تابىسى ەسكەرىلەتىن. كەيبىر ازاماتتار جەكە كاسىپكەر رەتىندە تىركەلىپ، جوعارى كىرىس كورسەتىپ، كوپ سالىق تولەگەندەي كورىنۋ ارقىلى جاردەماقىنى كوبەيتە الاتىن. وسىلايشا، كەيبىر ايەلدەر اي سايىن ميلليونداپ تابىس كورسەتىپ، دەكرەتكە شىققاندا 2،5 ميلليون تەڭگەگە دەيىن جاردەماقى العان.

جاڭا جۇيەدە نە وزگەرەدى؟

• دەكرەتتىك تولەمنىڭ ەڭ جوعارى مولشەرى بەلگىلەنەدى – 238 مىڭ تەڭگە.
• جۇمىس ىستەيتىن ازاماتتاردىڭ تابىسىنا قاراماستان، تولەم وسى شەكتەن اسپايدى.
• بىرنەشە جەردە جۇمىس ىستەيتىندەر ءۇشىن تولەمدەر بىرىكتىرىلمەيدى.
• جۇكتىلىككە قاتىستى تولەمدەرگە دە شەكتەۋلەر قويىلادى.

بۇل وزگەرىستەر اسىرەسە جوعارى تابىس تاباتىن ازاماتتارعا اسەر ەتپەك. ەندى ولاردىڭ تولەيتىن سالىعىنىڭ مولشەرى ارتقانىمەن، دەكرەتتىك تولەمدەر شەكتەلگەن دەڭگەيدە قالادى.