قازاقستاندا جوعارى ءبىلىمى بار ادامدار سانى ءوسۋى مۇمكىن
قازاقستاندا جوعارى ءبىلىم بار ادامداردى كوبىرەك دايارلاۋعا ەكپىن قويىلادى. بۇل تۋرالى ءبىلىم جانە عىلىم ۆيسە-مينيسترى اسحات ايماعامبەتوۆ ءمالىم ەتتى.
«قازىرگى ۋاقىتتا مينيسترلىك اتقارىپ جاتقان ترەندتەرگە توقتالساق، بىرىنشىدەن، ول بىلىمگە قولجەتىمدىلىكتى كەڭەيتۋگە قاتىستى. بىزدىڭشە، جوعارى ءبىلىم ەكسكليۋزيۆتى بولماۋى كەرەك، ياعني «قانشا كەرەك، تەك سونشا دايىنداۋ» سەكىلدى بۇرىنعى كوزقاراستان الشاقتاۋ قاجەت. قازىرگى زاماندا بىزگە جوعارى ءبىلىم بار ادامداردى كوبىرەك دايارلاۋعا ءتيىسپىز. سەبەبى ول ادامي كاپيتالعا قاتىستى قويىلىپ وتىرعان تالاپتارعا سايكەس كەلەدى. سوندىقتان ەلىمىزدە ءبىلىمدى ادامدار ۇلەسى باسىم بولسا، بۇل ءوز كەزەگىندە مەملەكەتكە كوبىرەك پايداسىن تيگىزەدى»، - دەپ اتاپ ءوتتى ۆيسە-مينيستر جوعارى ءبىلىم بەرۋ جۇيەسىن دامىتۋ تاقىرىبىندا استانادا وتكەن دوڭگەلەك ۇستەل وتىرىسىندا.
ونىڭ سوزىنە قاراعاندا، وتكەن جىلى 10 مىڭعا جۋىق ورىنعا مەملەكەتتىك ءبىلىم بەرۋ تاپسىرىسى ارتتى. وسى ورايدا ۆەدومستۆو بۇل باعىتتاعى جۇمىستى جالعاستىرۋعا نيەتتى.
«تاعى ءبىر باعىت جوعارى ءبىلىمدى ينتەرناسيونالداندىرۋعا بايلانىستى. بۇگىندە بۇل سالا ماڭىزدى ترەندتەردىڭ ءبىرى بولىپ وتىر. وسى ورايدا قازاقستاننىڭ جۇيەسىن ءبىلىم بەرۋ حابىنا اينالدىرۋ ماقساتى قويىلىپ وتىر»، - دەپ توقتالدى اسحات ايماعامبەتوۆ.
بۇل تۇرعىدا ءۇندىستان، جۇڭگو، تۇركيا، پاكىستان، مىسىر، رەسەي جانە باسقا ەلدەر ءۇشىن قازاقستاننىڭ ءبىلىم بەرۋ جۇيەسىن حابقا اينالدىرۋ باعىتىنا نازار اۋدارىلىپ وتىر. سوندىقتان ەلىمىزدەگى شەتەلدىك ستۋدەنتتەردىڭ ۇلەسىن قىسقا مەرزىمدە ەكى پايىزدان بەس پايىزعا دەيىن ارتتىرۋ جوسپارى بار.
قازاقپارات
You Might Also Like
-
قازاقستاندا جوعارى وقۋ ورىندارى سانى تىم كوپ دەگەن پىكىرلەر نەگىزسىز. بۇل تۋرالى جوعارى ءبىلىم بەرۋ جۇيەسىن دامىتۋ تاقىرىبىنداعى دوڭگەلەك ۇستەلدە ءبىلىم جانە عىلىم ۆيسە-مينيسترى اسحات ايماعامبەتوۆ ءما...
-
بۇگىن ءبىز سىزدەرمەن دەيل كارنەگيدىڭ «ۋايىمنان ارىلىپ، جاڭا ءومىردى قالاي باستاۋعا بولادى؟» اتتى كىتابى جايلى اڭگىمە قوزعاماقپىز. ناقتىراق ايتساق، كىتاپ جايلى ەمەس، كىتاپتىڭ ىشىندەگى ءومىر...
