InfoHub Logo

بۇگىن، 10 مامىردا قازاقستاندا ۇلتتىق ءبىرىڭعاي تەستىلەۋدىڭ (ۇبت) نەگىزگى كەزەڭى باستالدى. ەمتيحان 10 شىلدەگە دەيىن جالعاسادى. بۇل تۋرالى Infohub.kz اقپارات اگەنتتىگى حابارلايدى.

بيىل ۇبت-عا قاتىسۋعا شامامەن 240 مىڭ تالاپكەر ءوتىنىش بەرگەن. ەكى رەت تاپسىرۋ مۇمكىندىگىن ەسكەرسەك، 446 مىڭنان استام ءوتىنىش قابىلداندى. ونىڭ 74 پايىزى قازاق تىلىندە، 26 پايىزى ورىس تىلىندە، ال 851 تالاپكەر اعىلشىن تىلىندە ەمتيحان تاپسىرۋدى قالاعان.

ۇلتتىق تەستىلەۋ ورتالىعىنىڭ ديرەكتورى نۇرسەرىك بايجانوۆتىڭ ايتۋىنشا، ەمتيحاندى تاپسىرۋ كۇنى مەن ۋاقىتىن تالاپكەرلەر وزدەرى تاڭداعان. العاشقى كۇنى رەسپۋبليكا بويىنشا 926 ادام، سونىڭ ىشىندە استانادا 359 تالاپكەر تەست تاپسىرادى. تەستىلەۋ 45 پۋنكتتە ۇيىمداستىرىلعان.

ەڭ تانىمال پاندەر

تاڭداۋ بويىنشا ەڭ كوپ سۇرانىسقا يە ءپان كومبيناسياسى – «ماتەماتيكا-فيزيكا». بۇل كومبيناسيانى تالاپكەرلەردىڭ 17،9 پايىزى تاڭداعان. بۇل بولاشاق ينجەنەرلەر، مۇعالىمدەر، ەنەرگەتيكتەر جانە باسقا دا تەحنيكالىق ماماندىقتارعا دەگەن قىزىعۋشىلىقتى كورسەتەدى.

ودان كەيىنگى ورىنداردا «بيولوگيا-حيميا» (14،5%) جانە «شىعارماشىلىق ەمتيحان» (12،4%) كومبيناسيالارى تۇر. بۇل كومبيناسيالار بولاشاق مەديسينا قىزمەتكەرلەرى مەن شىعارماشىلىق سالاعا بەيىم تالاپكەرلەردى قىزىقتىرادى.

ۇبت فورماتى

2026 جىلى ۇبت فورماتى وزگەرىسسىز قالادى. تالاپكەرلەر ءۇش مىندەتتى جانە ەكى تاڭداۋ بويىنشا ءپان تاپسىرادى. بارلىعى 120 تاپسىرما بەرىلەدى: «قازاقستان تاريحىنان» – 20، «وقۋ ساۋاتتىلىعى» مەن «ماتەماتيكالىق ساۋاتتىلىقتان» – ءارقايسىسىنان 10، ال ەكى ءپروفيلدى پاننەن ءارقايسىسىنان 40 تاپسىرما بولادى. ۇبت-دان ماكسيمالدى جيناۋعا بولاتىن بالل – 140.

ەمتيحانعا بەرىلەتىن ۋاقىت

تەستىلەۋگە بەرىلەتىن ۋاقىت – 4 ساعات (240 مينۋت). ەرەكشە ءبىلىم قاجەتتىلىگى بار بالالارعا قوسىمشا 40 مينۋت بەرىلەدى.

اپەللياسياعا قالاي بەرىلەدى؟

تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياسياعا بەرۋگە بولادى. اپەللياسيالىق كوميسسيا شەشىم قابىلداعاننان كەيىن سەرتيفيكات تالاپكەردىڭ جەكە كابينەتىندە قولجەتىمدى بولادى.

شەكتى بالل

ۇلتتىق جوعارى وقۋ ورىندارىنا ءتۇسۋ ءۇشىن ەڭ تومەنگى شەكتى بالل – 65، باسقا جوو-لارعا – 50 بالل. پەداگوگيكالىق عىلىمدار سالاسى بويىنشا – 75 بالل، دەنساۋلىق ساقتاۋ سالاسى بويىنشا – 70 بالل، قۇقىق ماماندىعى بويىنشا – 75 بالل.

سونىمەن قاتار، «قازاقستان تاريحى» جانە ەكى ءپروفيلدى پاننەن كەمىندە 5 بالل، ال «وقۋ ساۋاتتىلىعى» مەن «ماتەماتيكالىق ساۋاتتىلىقتان» كەمىندە 3 بالل جيناۋ قاجەت.

جوو-لار ءبىلىم بەرۋ باعدارلامالارى توپتارى بويىنشا وزدەرىنىڭ شەكتى باللدارىن بەلگىلەي الادى.

قاۋىپسىزدىك

تەستىلەۋ كەزىندە قاۋىپسىزدىكتى قامتاماسىز ەتۋ جانە بۇزۋشىلىقتاردىڭ الدىن الۋ ماقساتىندا مەتالل دەتەكتورلارى قولدانىلادى. اۋديتوريالاردا ۇيالى جانە راديوەلەكتروندىق بايلانىس سيگنالدارىن باساتىن قۇرىلعىلار ورناتىلادى، سونداي-اق بەينەباقىلاۋ جۇرگىزىلەدى. ەمتيحان اياقتالعاننان كەيىن بەينەجازبالار تالدانادى. زاپرەششەننىي زاتتاردى قولدانۋ نەمەسە ەرەجەلەردى بۇزۋ فاكتىلەرى انىقتالسا، تالاپكەردىڭ ۇبت ناتيجەلەرى جويىلادى.