قازاقستاندا ءومىر ءسۇرۋ ۇزاقتىعى

جاپونيا

جاپوندىقتاردىڭ ورتاشا ءومىر ءسۇرى جاسى – 83. ەلدىڭ تۇرعىندارى سويا مەن ءتاتتى كارتوپ، بالىق جەيدى. سويانىڭ قۇرامىندا اقۋىز كوپ. عالىمدار وسى سەبەپتى ولاردىڭ ۇزاق ءومىر سۇرەتىنىن ايتادى.

يسپانيا

ءومىر ءسۇرۋ ۇزاقتىعى – 82،8جاس. مۇنداعى حالىق ءزايتۇن مايى مەن كوكونىس جەيدى. يسپانيا ەلىنىڭ كوشەلەر كولىكپەن جۇرۋدەن گورى جاياۋ جۇرۋگە ىڭعايلانعان. سوندىقتان ادامداردىڭ كوبى بىرجەردە وتىرىپ تاماقتانباي جاياۋ كەتىپ بارا جاتىپ تاماقتانا بەرەدى.

شۆەيساريا

ءومىر ءسۇرۋ ۇزاقتىعى – 81جاس. ەلدە دەنساۋلىق ساقتاۋ قىزمەتى جوعارى دەڭگەيدە كورسەتىلەدى. ادامداردىڭ ۇزاق ءومىر سۇرۋىنە ولاردىڭ ىرىمشىك پەن ءسۇت ونىمدەرىن كوپ تۇتىناتىندىعى.

ال، ورتالىق افريكا تۇرعىندارى الەم بويىنشا وتە از ءومىر سۇرەدى. ورتاشا ءومىر ءسۇرۋ ۇزاقتىعى 52 جاستى قۇرايدى.

قازاقستان تۇرعىندارىنىڭ ءومىر ءسۇرۋ ۇزاقتىعى بارلىعىن قىزىقتىراتىنى راس. ءبىزدىڭ مەملەكەت ءومىر ءسۇرۋ ۇزاقتىعى بويىنشا الەم ەلدەرىنىڭ ىشىندە 110-ورىندا تۇر. زەرتتەۋ بويىنشا، ەلدەگى ورتاشا ءومىر ءسۇرۋ ۇزاقتىعى 69 جاستى قۇرايدى. الايدا، ق ر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋى بويىنشا 2025 جىلى قازاقستاندا حالىقتىڭ ءومىر ءسۇرۋ ۇزاقتىعى 75 جاسقا جەتەدى. ول كەزەڭگە جەتۋگە دە الىس ەمەس...

ءومىر ءسۇرۋ ۇزاقتىعى – دەنساۋلىقپەن تىكەلەي بايلانىستى. سول سەبەپتەن دە، بۇل جولدا كوپ ەڭبەك ەتۋ كەرەك. دەنساۋلىقتى جاقسارتۋعا ارنالعان كەڭەستەر:

– تازا اۋادا كوپ سەرۋەندەپ،دالادا سپورتپەن اينالىسىڭىز. دالادا سپورتپەن شۇعىلدانۋ فيزيكالىق تۇرعىداعانا ەمەس، رۋحاني جاعىنان دا پايدالى ەكەنىن دالەلدەدى. ول وز-وزىڭە دەگەن باعاڭنىڭ ارتۋىنا، كوڭىل-كۇيدىڭ جاقسارۋىنا اسەر ەتىپ، كۇيزەلىستەن قۇتىلۋعا كومەكتەسەدى.

– كوك شاي، بالىق مايى جانە سويا تۇزدىعىن قولدانۋ كۇندەلىكتى ادەتىڭىزگە اينالسىن. بۇگىننەن باستاپ كوك شايعا كوشىڭىز. بالىق جەپ، تاعامىڭىزعا سويا ارالاستىرۋدى ۇمىتپاڭىز. سەبەبى، بالىق مايى ينسۋلت پەن باسقا دا جۇرەك اۋرۋلارىنان ساقتاپ، بۋىنسىر قىراۋى جانە كارىلىكپەن كۇرەسەدى. ال، سويا جۇرەك اۋرۋلارىنا قارسى، سۇيەكتىڭ قالپىن جاقسارتادى. كوك شاي – قان قىسىمىن قالىپقا كەلتىرىپ، حولەستەريندى ازايتادى.

– دارىگەرگە ءجيى بارۋ مىندەتتى. ءوزىڭىزدىڭ دەنساۋلىعىڭىزدى باستى تۇردە قاداعالاۋ قاجەت.

– كۇن سايىن الما جەپ تۇرىڭىز. ول-جۇرەك-قان تامىرلارىنا وتە پايدالى.

– كوڭىل كۇيىڭىز ءاردايىم جوعارى بولسىن. ويتكەنى، ادامنىڭ دەنساۋلىعىنا جۇيكە جۇيەسىندەگى ەرەكشەلىكتەرى دە كوڭىلگە اسەر ەتەدى. جاقسى كوڭىل-كۇي مەن كۇلكى ءومىردى ۇزارتادى دەگەن ءسوز بار. سول سەبەپتەن ءومىرىڭىزدى ۇزارتقىڭىز كەلسە وسى كەڭەستەردى ۇمىتپاڭىز.