InfoHub Logo

بيىلعى وقۋ جىلىندا قازاقستاننىڭ وقۋ ورىندارىندا 18 مىڭ شەتەلدىك ستۋدەنت ءبىلىم الىپ جاتىر، دەپ ق ر ءبىلىم جانە عىلىم مينيسترلىگى حابارلايدى.

«بيىل قازاقستاندا 18 مىڭ شەتەلدىك ستۋدەنت ءبىلىم الىپ جاتىر. ولاردىڭ كوپشىلىگى شانحاي ىنتىماقتاستىق ۇيىمىنا مۇشە ەلدەردەن كەلگەن. ءبىزدىڭ ماقساتىمىز - شەتەلدىك ستۋدەنتتەر سانىن شامامەن 40 مىڭعا دەيىن جەتكىزۋ. جىل سايىن 20 پروسەنتكە كوبەيتىپ وتىرساق، الداعى 5-6 جىلدا قازاقستان ايتارلىقتاي اۋقىمدى ءبىلىم بەرۋ حابىنا اينالادى. ول ءۇشىن بىرنەشە شارالار جاسالدى: اعىلشىن تىلىندە ساباق بەرۋ، جاڭا باعدارلامالار دايىنداۋ، ۋنيۆەرسيتتەرگە اكادەميالىق دەربەستىك بەرۋ. ەندى ۋنيۆەرسيتتىڭ وزدەرى جۇمىسقا كىرىسۋى كەرەك»، - دەدى مينيستر شىۇ مۇشە-مەملەكەتتەردىڭ ءبىلىم مينيسترلەرىنىڭ جەتىنشى كەڭەسىندە.

سونىمەن بىرگە، مينيستر قازاقستاننىڭ مەديسينالىق ماماندىقتار بويىنشا ءۇندىستاندىق ستۋدەنتتەردى كوبىرەك قابىلداۋعا جانە IT باعىتتار بويىنشا ءۇندىستانعا ماگيسترانتتار مەن دوكتورانتتاردى جىبەرۋگە ۋاعدالاسقانىن حابارلادى.

«كەي باعىتتار ءبىزدىڭ ەلىمىزدە جاقسى جولعا قويىلعان، ال ەكىنشى ءبىر سالالار بويىنشا ءۇندىستاننىڭ تاجىريبەسى مىقتى. سوندىقتان، بۇل كەلىسىم قوس ەلدىڭ ستۋدەنتتەرى ءۇشىن دە وتە پايدالى»، - دەدى ە. ساعادييەۆ.

ايتا كەتەيىك، شانحاي ىنتىماقتاستىق ۇيىمىنا قازاقستان، قىرعىزستان، جۇڭگو، رەسەي، تاجىكستان جانە وزبەكستان ەلدەرى مۇشە. وتكەن جىلى استانادا وتكەن شىۇ مۇشە-مەملەكەتتەر باسشىلارىنىڭ كەڭەسىندە ۇيىمعا مۇشە مارتەبەسى ءۇندىستان مەن پاكىستانعا بەرىلگەن بولاتىن.

---