tengrinews.kz
قازاقستاندا شەتەلدىك ماركەتپلەيستەرگە تىيىم سالىنۋى مۇمكىن: سەبەبى ايتىلدى
قازاقستانداعى شەتەلدىك ماركەتپلەيستەرگە تىيىم سالۋ ءقاۋپى ءتونىپ تۇر. جاڭا سالىق كودەكسىندە وسىنداي نورما قاراستىرىلعان. بۇل تۋرالى Infohub.kz اقپارات اگەنتتىگى حابارلايدى.
بيىلعى جىلدىڭ 1 قاڭتارىنان باستاپ قازاقستاندا جاڭا سالىق كودەكسى كۇشىنە ەندى. كودەكستىڭ 89-بابىندا شەتەلدىك ماركەتپلەيستەردىڭ ينتەرنەت-رەسۋرستارىن بۇعاتتاۋ تۋرالى شەشىم قابىلداۋعا مۇمكىندىك بەرەتىن نورمالار بار. بۇعاتتاۋعا نەگىزگى سەبەپ – كامەرالدىق باقىلاۋ ناتيجەلەرى بويىنشا بەرىلگەن حابارلامالاردى ورىنداماۋ نەمەسە قوسىلعان قۇن سالىعى (ققس) بويىنشا سالىق تولەۋشى رەتىندە تىركەلۋ تۋرالى حابارلامالاردى ورىنداماۋ.
سالىق ورگاندارىنىڭ جۇمىسى
مەملەكەتتىك كىرىستەر كوميتەتىنىڭ حابارلاۋىنشا، ەكىنشى دەڭگەيلى بانكتەر مەن تولەم ۇيىمدارى ۋاقىتشا تىركەۋدەن وتكەن شەتەلدىك كومپانيالار تۋرالى مالىمەتتەردى مەملەكەتتىك كىرىستەر ورگاندارىنا ۇسىنادى. بۇل مالىمەتتەر قازاقستان اۋماعىندا تاۋارلاردى ەلەكتروندى تۇردە ساتۋ نەمەسە كورسەتىلەتىن قىزمەتتەردى ەلەكتروندى تۇردە ۇسىنۋ كەزىندە سالىق مىندەتتەمەلەرىنىڭ تولىق جانە ۋاقتىلى ورىندالۋىن تالداۋ ءۇشىن قولدانىلادى.
سالىق ورگاندارى ەكىنشى دەڭگەيلى بانكتەر، تولەم ۇيىمدارى ۇسىنعان مالىمەتتەر مەن شەتەلدىك كومپانيالاردىڭ تولەگەن ققس سومالارىنىڭ دەرەكتەرىن سالىستىرۋ ارقىلى كامەرالدىق باقىلاۋدى جۇرگىزەدى.
«ايىرماشىلىقتار انىقتالعان جاعدايدا، سايكەسسىزدىكتەر تۋرالى حابارلامالار قالىپتاستىرىلادى»، - دەپ اتاپ ءوتتى كگد وكىلدەرى.
«Google سالىعى» جانە تۇسىمدەر
كوميتەت سونداي-اق 2022 جىلدان باستاپ قازاقستاندا سيفرلىق قىزمەتتەر سالىعى نەمەسە «Google سالىعى» ەنگىزىلگەنىن ەسكە سالدى. ول ەنگىزىلگەن ساتتەن باستاپ 120 شەتەلدىك كومپانيا تىركەلگەن، ونىڭ ىشىندە 22 كومپانيا 2025 جىلى تىركەلگەن. بيۋدجەتكە تۇسكەن قاراجات 136 ميلليارد تەڭگەنى قۇرادى. ونىڭ ىشىندە 2025 جىلعا – 57،6 ميلليارد تەڭگە، 2026 جىلدىڭ قاڭتارىنا – 8،7 ميلليارد تەڭگە.
وتكەن جىلى قازاقستاندا ءىرى ونلاين-پلاتفورمالارعا – الەۋمەتتىك جەلىلەر، بەينەسەرۆيستەر، ماركەتپلەيستەر جانە باسقالارعا ەل اۋماعىندا وكىلدىك نەمەسە فيليال اشۋدى مىندەتتەيتىن زاڭنامالىق وزگەرىستەر ازىرلەنىپ جاتقانى تۋرالى حابارلانعان بولاتىن. ولاي بولماعان جاعدايدا، ولارعا بۇعاتتاۋ ءقاۋپى تونەدى. بۇل نورما ونلاين-پلاتفورمالاردىڭ جۇمىسىن رەتتەيتىن زاڭ جوباسىندا قامتىلعان جانە ءالى كۇشىنە ەنگەن جوق.
-
ەسكى ۇلگىدەگى 10 000 تەڭگەلىك بانكنوتتاردى ساۋدا ورىندارىندا قابىلداماسا، ولاردى قايدا جانە قالاي ايىرباستاۋعا بولاتىنىن ۇلتتىق بانك وكىلى ءتۇسىندىردى.
-
مونگوليا پرينيالا زاكون، پو كوتورومۋ 60% پريبىلي وت دوبىچي پولەزنىح يسكوپاەمىح بۋدەت راسپرەدەلياتسيا مەجدۋ گراجدانامي. ەتا ينيسياتيۆا ۆىزۆالا وبسۋجدەنيا ۆ كازاحستانە ي روسسيي.
