InfoHub Logo

قازاقستاندا سوت شەشىمدەرىن قايتا قارايتىن ارنايى كوميسسيا جاساقتالمايدى. بۇل تۋرالى ەلىمىزدىڭ باس پروكۋرورى بەرىك اسىلوۆ رەسمي مالىمدەمە جاساپ، كونستيتۋسيا تالاپتارىنا سۇيەنە وتىرىپ تۇسىنىكتەمە بەردى.

سوت ۇكىمدەرىنە كۇمانمەن قارايتىن ازاماتتاردىڭ وتىنىشتەرىن قاراستىراتىن ورگان قۇرۋ تۋرالى ۇسىنىستى بۇعان دەيىن ءماجىلىس دەپۋتاتتارى كوتەرگەن بولاتىن. الايدا، باس پروكۋرور بۇل باستاماعا توسقاۋىل قويدى. ونىڭ ايتۋىنشا، سوت تورەلىگىن جۇزەگە اسىرۋ – تەك سوتتاردىڭ قۇزىرىنداعى ماسەلە، ال سوت شەشىمدەرىن قايتا قاراۋعا مۇمكىندىك بەرەتىن بولەك قۇرىلىم قۇرۋ – كونستيتۋسيا تالاپتارىنا قايشى.

اسىلوۆتىڭ پىكىرىنشە، سۋديالار قابىلداعان شەشىمدەر زاڭ اياسىندا جۇزەگە اسىرىلادى، ال ولاردىڭ جۇمىسىنا سىرتقى ارالاسۋ زاڭمەن قۋدالانادى. قازاقستان كونستيتۋسياسى سوت جۇيەسىنىڭ دەربەستىگىن قاتاڭ قورعايدى جانە قانداي دا ءبىر كوميسسيانىڭ سوت اكتىلەرىن قايتا قاراۋىنا رۇقسات بەرمەيدى.

وسىلايشا، ەلىمىزدە سوت تورەلىگىنە ارالاسۋعا جول بەرىلمەيدى، ال ازاماتتاردىڭ قۇقىقتارى مەن بوستاندىقتارى قولدانىستاعى زاڭناما شەڭبەرىندە قورعالادى.