depositphotos.com
قازاقستاندا ۆاليۋتا باعامىنىڭ رەسمي كۋرسىن بەلگىلەۋ ەرەجەلەرى وزگەرەدى
قازاقستان رەسپۋبليكاسىنىڭ ۇلتتىق بانكى تەڭگەنىڭ شەتەل ۆاليۋتالارىنا قاتىستى رەسمي باعامىن بەلگىلەۋ ەرەجەلەرىنە وزگەرىستەر ەنگىزۋدى ۇسىنىپ وتىر. بۇل تۋرالى Tengrinews.kz حابارلادى.
بۇل جوبا رەتتەۋشى ورگاننىڭ جاڭارتىلعان زاڭناماعا، سونىڭ ىشىندە كونستيتۋسياعا، سالىق جانە سيفرلىق كودەكستەرگە، سونداي-اق «قازاقستان رەسپۋبليكاسىنىڭ ۇلتتىق بانكى تۋرالى» زاڭعا سايكەس كەلتىرۋ ماقساتىندا ازىرلەندى.
ۆاليۋتالار ءتىزىمى كەڭەيتىلەدى
ەڭ باستى جاڭالىقتاردىڭ ءبىرى – تەڭگەگە رەسمي باعام بەلگىلەنەتىن شەتەل ۆاليۋتالارىنىڭ ءتىزىمى كەڭەيتىلەدى. قازىرگى ۋاقىتتا بۇل تىزىمدە 39 ۆاليۋتا بار، ءبىراق ونى 48-گە دەيىن ۇلعايتۋ جوسپارلانۋدا.
جوباعا سايكەس، تىزىمگە تاعى توعىز ۆاليۋتا قوسۋ ۇسىنىلادى. ولار: ۆەتنام، مىسىر، يزرايل، يندونەزيا، كاتار، موڭعوليا، ومان، پاكىستان جانە رۋمىنيانىڭ ۇلتتىق ۆاليۋتالارى.
نەگىزدەمەسى قانداي؟
ۇلتتىق بانك بۇل شەشىمدى سوڭعى بەس جىلداعى سىرتقى ساۋدا اينالىمىنا، تولەم ۆاليۋتالارىنا قاتىستى دەرەكتەرگە تالداۋ جاساۋ نەگىزىندە، سونداي-اق جەكە جانە زاڭدى تۇلعالاردىڭ وتىنىشتەرىن ەسكەرە وتىرىپ قابىلداعانىن ءتۇسىندىردى.
بۇل قۇجات قابىلدانعاننان كەيىن تەڭگەنىڭ رەسمي باعامى حالىقارالىق ەسەپ ايىرىسۋلاردا قولدانىلاتىن ۆاليۋتالاردىڭ كەڭىرەك تىزىمىنە بەلگىلەنەتىن بولادى.
-
سەنات دەپۋتاتى گالياسكار سارىبايەۆ الماتى مەتروپوليتەنىن تولىق تەكسەرۋدەن وتكىزۋدى سۇرادى. بۇعان دەيىن مەترو ستانسيالارىنىڭ بىرىندە ءتۇتىن شىققان بولاتىن.
-
Kazakhstan's National Bank is updating rules for setting the official tenge exchange rate، expanding the list of currencies used in international trade.
