InfoHub Logo

قازاقستاندا جىلجىمايتىن مۇلىك ءاردايىم ينفلياسيادان قورعايتىن سەنىمدى ينۆەستيسيا رەتىندە سانالدى. الايدا، 2026 جىل تۇرعىن ءۇي نارىعى ءۇشىن كۇتپەگەن وزگەرىستەر اكەلدى. ساراپشىلاردىڭ بولجامى بويىنشا، قىمبات پاتەرلەر ءداۋىرى اياقتالىپ، باعالار تومەندەۋى مۇمكىن.

بۇل تۋرالى Infohub.kz اقپارات اگەنتتىگى حابارلايدى.

نەگىزگى سەبەپتەر مەن نارىقتاعى جاعداي

سوڭعى ەكى ايدا ەكىنشى قول پاتەرلەردىڭ باعاسى تومەندەپ كەلەدى. Krisha.kz پورتالىنىڭ مالىمەتىنشە، بۇل ءۇردىس جالعاسۋدا. ساراپشى الەكساندر پاكتىڭ ايتۋىنشا، بۇل نارىقتىڭ كۇيرەۋى ەمەس، كەرىسىنشە، قىزىپ كەتكەن ەكىنشى قول نارىعىنىڭ «سالقىنداۋى». باعانى بەلگىلەۋدە ساتۋشىنىڭ تىلەگىنەن گورى، حالىقتىڭ ناقتى ساتىپ الۋ قابىلەتى ماڭىزدى ءرول اتقارادى.

«باستى سەبەپ – ساتىپ الۋ قابىلەتىنىڭ تومەندەۋى. حالىقتىڭ تابىسى جىلجىمايتىن مۇلىك باعاسى مەن يپوتەكا تولەمدەرىنە ىلەسە الماي وتىر. ادامدار ءۇي العىسى كەلەدى، ءبىراق بانكتەردەن نەسيە الۋ مۇمكىندىگى ازايۋدا. ەكىنشى سەبەپ – جوعارى پسيحولوگيالىق بەلگىسىزدىك. ساتىپ الۋشىلار دوللاردىڭ، يپوتەكانىڭ، سالىقتىڭ، باعانىڭ جانە جالپى ەكونوميكانىڭ بولاشاعىن كۇتۋدە. بۇل جاعدايدا ادامدار ساتىپ الۋدى كەيىنگە قالدىرادى. ءۇشىنشى سەبەپ – تىم قىمبات باعالانعان نىسانداردىڭ كوپتىگى. كوپتەگەن مەنشىك يەلەرى ءالى دە وتكەن جىلعى باعالارمەن ءومىر ءسۇرىپ، نارىق شىندىعىن مويىندامايدى. ءبىراق بۇگىندە ساتىپ الۋشى اقشانى الدەقايدا مۇقيات ەسەپتەيدى. باعاداعى قاتەلىكتەردى كەشىرەتىن ۋاقىت ءوتتى دەۋگە بولادى»، – دەيدى ساراپشى.

يپوتەكالىق ستاۆكانىڭ تومەندەۋى اسەر ەتە مە؟

1 شىلدەدەن باستاپ يپوتەكانىڭ ەڭ جوعارى مولشەرلەمەسىن 25%-دان 20%-عا دەيىن تومەندەتۋ جوسپارى نارىقتى قىزدىرا قويمايدى جانە باعانىڭ وسۋىنە نەگىز بولمايدى دەپ سانايدى ماماندار. الەكساندر پاكتىڭ ايتۋىنشا، بۇل قادام بانكتەردىڭ تالاپتارىن قاتايتۋىنا اكەلۋى مۇمكىن، مىسالى، باستاپقى جارنانى كوبەيتۋ نەمەسە قوسىمشا شارتتار ەنگىزۋ. سوندىقتان يپوتەكا الۋ مۇمكىندىگى ازايادى.

نارىقتىڭ «ساناۋلى» كەزەڭى

قازىرگى ۋاقىتتا نارىق ەموسيادان ەكونوميكاعا اۋىسىپ جاتىر. ساپالى پاتەرلەردى لايىقتى باعامەن ساتىپ الۋشىلار تەز تابادى. ءبىراق ساراپشىلاردىڭ ايتۋىنشا، بۇل نارىقتىڭ «ساناۋلى» كەزەڭى. ينۆەستيسيالىق ساراپشى نينا لۋكيانەنكو بۇل تۋرالى بىلاي دەيدى:

«ءقازىر نارىق بىرتىندەپ قىزىپ كەتكەن ۇمىتتەردەن ارىلىپ، «سالماقتى» بولا باستادى. ەكىنشى اي قاتارىنان جارناماداعى باعالاردىڭ تومەندەۋى بايقالادى، بۇل كەزدەيسوق ەمەس، تولەم قابىلەتى تومەندەگەن سۇرانىسقا نارىقتىڭ جاۋابى بولىپ تابىلادى».

ونىڭ ايتۋىنشا، الداعى ايلار كەلىسسوزدەر كەزەڭى بولادى. ساۋدالاسۋ، جەڭىلدىكتەر، ءبولىپ تولەۋ، يكەمدى شارتتار كوبىرەك بولادى. ەسكى باعانى ۇستانىپ وتىراتىن ساتۋشىلار ەمەس، نىساندى دۇرىس ورنالاستىرا بىلەتىن، سەنىم تۋدىراتىن جانە ساتىپ الۋشىمەن كاسىبي تۇردە جۇمىس ىستەيتىن ساتۋشىلار ۇتادى.