InfoHub Logo

قازاقستاندا اۆتوپيلوتتى تاكسيلەر مەن جەتكىزۋ دروندارىنىڭ سىناقتارى باستالادى. وسىعان بايلانىستى استانا، الماتى جانە قوسشى قالالارىندا جول بەلگىلەرى مەن سىزىقتارى وزگەرەدى. بۇل تۋرالى سيفرلىق دامۋ مينيسترلىگى مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

قاي قالالاردا سىناق وتەدى؟

العاشقى كەزەڭدە اۆتوپيلوتتى تاكسيلەردى سىناۋ استانا، الماتى جانە قوسشى قالالارىندا جوسپارلانىپ وتىر. ناقتى مارشرۋتتار مەن كولىك سانى كەيىن انىقتالادى. بۇل پارامەترلەر پيلوتتىق باعدارلاما بەكىتىلىپ، تەحنولوگيالار دايىن بولعاننان كەيىن بەلگىلەنەدى.

الماتىدا ءقازىردىڭ وزىندە دروندار ارقىلى تاۋار جەتكىزۋ جوباسى جۇزەگە اسىرىلۋدا. پيلوتتىق جوبانىڭ پارامەترلەرى وتاندىق جانە حالىقارالىق كومپانيالارمەن بىرلەسىپ پىسىقتالۋدا.

قاۋىپسىزدىك قالاي قامتاماسىز ەتىلەدى؟

اۆتوپيلوتتى كولىكتەردى كەزەڭ-كەزەڭىمەن ەنگىزۋ كوزدەلگەن. دروندار ءۇشىن دە سىناق رەجىمى قاراستىرىلعان. ەڭ باستىسى – قاۋىپسىزدىك پەن زاڭ تالاپتارىن ساقتاۋ.

قالالاردا سىناقتاردى باستاماس بۇرىن كەلەسى كەزەڭدەر وتەدى:

«العاشقى كەزەڭدە كولىك سالونىندا رەزەرۆتى جۇرگىزۋشى بولادى. ول كەز كەلگەن قولايسىز نەمەسە ءقاۋىپتى جاعدايدا بىردەن رۋلگە وتىرا الادى»، – دەپ اتاپ ءوتتى ۆەدومستۆودان.

ەگەر جۇيە ءقاۋىپسىز جانە ساتسىزدىكسىز جۇمىس ىستەسە، ودان ءارى جۇرگىزۋشىسىز، ءبىراق قاشىقتان تۇراقتى باقىلاۋمەن تولىق اۆتوپيلوتتى رەجيمگە كوشۋ مۇمكىن بولادى.

جول ينفراقۇرىلىمى قالاي وزگەرەدى؟

جوبانى ىسكە قوسۋ ءۇشىن جول ينفراقۇرىلىمىن بەيىمدەۋ قاجەت. اتاپ ايتقاندا، كەلەسى جۇمىستار جوسپارلانعان:

ينفراقۇرىلىمدى دايىنداۋ بويىنشا نەگىزگى جۇمىستار 2026 جىلدىڭ ءبىرىنشى توقسانىندا استانا جانە الماتى اكىمدىكتەرىمەن بىرلەسىپ جۇرگىزىلمەك.

قانداي جاعدايدا كىم جاۋاپتى بولادى؟

جول-كولىك وقيعالارى مەن باسقا دا ينسيدەنتتەر بولعان جاعدايدا، ءاربىر قاتىسۋشىنىڭ رولىنە بايلانىستى وپەراتور، كولىك يەسى جانە ءوندىرۋشى اراسىندا جاۋاپكەرشىلىك بولىنەدى. قازىرگى ۋاقىتتا ءتيىستى نورماتيۆتىك-قۇقىقتىق بازا ازىرلەنىپ جاتىر.

قاشان ىسكە قوسىلادى؟

اۆتوپيلوتتى تاكسيلەردى سىناۋ ءالى باستالعان جوق. جوبا باعدارلامانى دايىنداۋ جانە بەكىتۋ كەزەڭىندە. ول بەكىتىلگەننەن كەيىن ناقتى ايماقتار، شارتتار جانە ىسكە قوسۋ فورماتى انىقتالادى. تاكسي جوباسى شامامەن 3 جىلعا ەسەپتەلگەن. ال دروندار بويىنشا جاقىن ارادا الماتىدا سىناق ۇشۋلارى كۇتىلۋدە.

جوبا قالاي داميدى؟

بۇكىل ەل بويىنشا اۋقىمدى جوبانى ىسكە قوسۋ تۋرالى شەشىم پيلوتتىق جوبا اياقتالعاننان كەيىن قابىلدانادى. ول ءۇشىن تەحنولوگيانىڭ قاۋىپسىزدىگى، تيىمدىلىگى مەن تۇراقتىلىعى باعالانادى، سونداي-اق ينفراقۇرىلىم مەن رەتتەۋ ەرەجەلەرى جەتىلدىرىلەدى.

سىناق ۇشۋلارىن كىم قارجىلاندىرادى؟

جوبا بيۋدجەت قاراجاتى ەسەبىنەن ەمەس، قاتىسۋشى جەكە كومپانيالاردىڭ قارجىلاندىرۋىمەن جۇزەگە اسىرىلادى. العاشقى كەزەڭدە اۆتوپيلوتتى تەحنولوگيالار قالالىق ۇتقىرلىق (اۆتوپيلوتتى تاكسي) جانە لوگيستيكا مەن جەتكىزۋ (دروندار) سالالارىندا قولدانىلادى.