InfoHub Logo

قازاقستاندىق ايەل قىرعىزستاندا كامەلەتكە تولماعان بالالاردى ساتىپ الىپ، ولارعا امورالدىق جانە ءدىني راسىمدەر جاساعانى ءۇشىن سوتتالىپ، 12 جىلعا باس بوستاندىعىنان ايىرىلدى. بۇل تۋرالى قىرعىزستان ۇلتتىق قاۋىپسىزدىك مەملەكەتتىك كوميتەتى حابارلادى.

بۇل تۋرالى Infohub.kz اقپارات اگەنتتىگى حابارلايدى.

بالالاردى ساتۋ جانە زورلاۋ

قازاقستان ازاماتشاسى مەن ونىڭ قىرعىزستاندىق سىبايلاسى 2024 جىلى ادام ساۋداسى بويىنشا قىلمىستىق ءىس قوزعالعاننان كەيىن ۇستالعان. تەرگەۋ مالىمەتتەرى بويىنشا، ايەل مەن ەر ادام قىرعىزستاننان كامەلەتكە تولماعان بالالاردى زاڭسىز شىعارۋ ارناسىن ۇيىمداستىرعان.

قازاقستاندىق ا.ا. ەسىمدى ازاماتشا، يزرايل ازاماتى ا.ب. ەكەۋى بىرىگىپ، اقشالاي جانە باسقا دا مۇلىكتىك سىياقى ءۇشىن قىرعىزستان ازاماتى س.س.-دان ءۇش كامەلەتكە تولماعان بالانى ساتىپ العان.

«بۇل بالالارعا قاتىستى اقىلعا سىيمايتىن، امورالدىق جانە ءدىني راسىمدەر جاسالىپ، ولاردىڭ دەنەلەرى جالاڭاشتالىپ، سۋرەتكە ءتۇسىرىلىپ، الەۋمەتتىك جەلىلەر ارقىلى قىرعىزستاننان تىس جەرلەردە تۇراتىن ءۇشىنشى تۇلعالارعا جىبەرىلگەن. بۇعان قوسا، اتالعان قىلمىستىق توپ قىرعىزستان ازاماتشاسى د.ك.-نىڭ ەكى كامەلەتكە تولماعان بالاسىن تولىق قامقورلىققا الۋعا رۇقسات العان، ولارعا دا وسىنداي ارەكەتتەر جاسالعان»، - دەلىنگەن حابارلامادا.

سوت ۇكىمى

قىلمىستىق ءىس ماتەريالدارى بىشكەك قالاسىنىڭ پەرۆوماي اۋداندىق سوتىنا قاراۋعا جىبەرىلدى. ناتيجەسىندە، 2026 جىلدىڭ 12 ناۋرىزىندا سوت ايىپتالۋشىلاردى كىنالى دەپ تانىپ، ولارعا باس بوستاندىعىنان ايىرۋ جازاسى تاعايىندالدى. قازاقستان ازاماتشاسى 12 جىلعا، ال قىرعىزستان ازاماتى 11 جىلعا باس بوستاندىعىنان ايىرىلىپ، مۇلكى تاركىلەندى.