Photo: Bia Limova (https://www.pexels.com/@bia-limova-1908542654) / Pexels
قايرات تۇنتەكوۆ وتباسى قۇپياسىن نەگە جاسىراتىنىن ايتتى
تانىمال ءانشى قايرات تۇنتەكوۆ ءوزىنىڭ جەكە ءومىرى مەن وتباسى جايلى العاش رەت اشىق ايتتى. ول "1001 ءتۇن" باعدارلاماسىندا سۇحبات بەرىپ، نەلىكتەن وتباسىن كوپشىلىككە كورسەتپەيتىنىن ءتۇسىندىردى.
بۇل تۋرالى Infohub.kz اقپارات اگەنتتىگى حابارلايدى.
ءانشىنىڭ ايتۋىنشا، وتباسىن جاريا ەتپەۋىنىڭ باستى سەبەبى – تىل-كوز تيۋگە سەنۋى. "مەن وتباسىمدى كورسەتكىم كەلمەيدى. سەبەبى تىل-كوز تيۋگە سەنەمىن. ءوزىم دە سونداي جاعدايدى باستان وتكەرگەنمىن. ءتىپتى بىردە قۇلاپ، ەرتەسىنە جۇرە الماي قالعان كەزدەرىم بولدى"، – دەدى قايرات تۇنتەكوۆ.
ءانشىنىڭ مانسابى مەن جەكە ءومىرى
قايرات تۇنتەكوۆ – قازاقستاندىق ەسترادا جۇلدىزى، "SuperStar KZ" جوباسىنىڭ ەكىنشى ماۋسىمىندا توپ جارعان ءانشى. ول 1986 جىلى 14 اقپاندا شىمكەنت قالاسىندا دۇنيەگە كەلگەن. بالا كەزىنەن مۋزىكاعا جاقىن بولىپ، مەكتەپ حورىندا ءان ايتقان. 14 جاسىندا "بوزتورعاي" حالىقارالىق بايقاۋىندا باس جۇلدە يەلەنسە، 2005 جىلى "SuperStar KZ" جوباسىندا جەڭىسكە جەتىپ، ەلگە تانىمال بولدى.
ءانشىنىڭ مانسابىندا بىرنەشە ماڭىزدى كەزەڭدەر بولدى. ول پروديۋسەر دينارا اداممەن جۇمىس ىستەپ، "Baby" اتتى العاشقى بەينەبايانىن شىعاردى. "ەكى جۇلدىز" جوباسىندا اكتريسا ليندا نيگماتۋللينامەن بىرگە ونەر كورسەتىپ، ەكىنشى ورىن الدى. 2010 جىلى يۋرمالادا وتكەن "جاڭا تولقىن" بايقاۋىندا ءتورتىنشى ورىنعا يە بولىپ، "يدەال ارتيست" ارنايى سىيلىعىن الدى.
ت. جۇرگەنوۆ اتىنداعى ونەر اكادەمياسىندا ەسترادالىق ۆوكال ماماندىعى بويىنشا ءبىلىم العان ءانشى 2012 جىلى جول اپاتىنا ۇشىراپ، سوت شەشىمىمەن ايىپپۇل تولەپ، شەتەلگە شىعۋىنا ۋاقىتشا شەكتەۋ قويىلعان بولاتىن. دەگەنمەن، قايرات تۇنتەكوۆ قازاق ەستراداسىندا وزىندىك ورنىن ساقتاپ قالدى.
-
Kazakhstan's People's Artist Nurgali Nusipzhanov shared his teaching philosophy، emphasizing the crucial role of education and science for students.
-
Popular Kazakh singer Kairat Tuntekov reveals his personal reasons for not publicly displaying his family، citing deeply held beliefs.
