مينوبورونى رك
قازاقستاندىق اسكەريلەر حالىقارالىق دزيۋدو ستاندارتى بويىنشا جاتتىعادى
قازاقستاننىڭ قورعانىس ءمينيسترى، اۆياسيا گەنەرال-لەيتەنانتى داۋرەن قوسانوۆ استانادا حالىقارالىق دزيۋدو فەدەراسياسىنىڭ پرەزيدەنتى ماريۋس ۆيزەرمەن كەزدەستى. بۇل تۋرالى قازينفورم حابارلايدى.
كەزدەسۋ ناتيجەسىندە قازاقستان قارۋلى كۇشتەرىندە دزيۋدونى دامىتۋعا باعىتتالعان ىنتىماقتاستىق تۋرالى مەموراندۋمعا قول قويىلدى. بۇل قۇجات قورعانىس مينيسترلىگىنىڭ جوعارى اسكەري وقۋ ورىندارى مەن كوللەدجدەرىنىڭ وقۋ باعدارلامالارىنا حالىقارالىق دزيۋدو جۇيەسىن كەزەڭ-كەزەڭىمەن ەنگىزۋدى كوزدەيدى.
سونىمەن قاتار، اسكەري قىزمەتشىلەردىڭ دەنە شىنىقتىرۋ ساباقتارىنا دزيۋدو ەلەمەنتتەرى قوسىلادى. ماتەريالدىق-تەحنيكالىق بازانى نىعايتۋعا ەرەكشە نازار اۋدارىلادى. حالىقارالىق دزيۋدو فەدەراسياسى مەن «جەڭىس» كلۋبىنىڭ قولداۋىمەن اسكەري ءبىلىم بەرۋ ۇيىمدارى تاتامي، سپورتتىق جابدىقتارمەن جانە كيمونولارمەن قامتاماسىز ەتىلەدى.
بۇدان بولەك، كۋرسانتتار مەن كادەتتەر اراسىندا دزيۋدو ليگالارىن قۇرۋ جوسپارلانۋۋدا. مۇنداي بىرلەستىكتەر تەحنيكالىق شەبەرلىكتى ارتتىرۋعا، باسەكەلەستىكتى دامىتۋعا جانە بۇل سپورتتى ناسيحاتتاۋعا ىقپال ەتەدى. تاراپتار مۇنداي ءوزارا ءىس-قيمىل دزيۋدونى دامىتۋعا جاڭا مۇمكىندىكتەر اشىپ، سپورتشىلاردىڭ جاڭا بيىكتەرگە جەتۋگە دەگەن ىنتاسىن ارتتىراتىنىن اتاپ ءوتتى.
-
گلاۆا فوندا سوسيالنوگو مەديسينسكوگو ستراحوۆانيا كازاحستانا گۋلميرا سابدەنبەك راسسكازالا و ماسشتابنىح رەفورماح، بوربە س موشەننيچەستۆوم ي پلاناح پو پوۆىشەنيۋ ەففەكتيۆنوستي.
-
Kazakhstan's Armed Forces are set to integrate international judo standards into their training programs following a significant agreement.
