قازاقستاندىق اتا-انا جازىلىپ كەتكەن بالاسى ارقىلى 1،3 ملرد تەڭگە جيناپ، قىمبات ءومىر سۇرگەن
قازاقستاندا تاعى ءبىر استىرتىن قايىرىمدىلىق جىمقىرۋ ءىسى اشكەرەلەندى. بۇل جولى داۋلەت پەن تولقىن توتاقانوۆ ەسىمدى ەرلى-زايىپتى جۇپ وزدەرىنىڭ اۋىر دياگنوز قويىلعان ۇلى ءالتايردىڭ ەمىنە دەپ قاراجات جيناپ، كەيىننەن ول جازىلىپ كەتكەن سوڭ دا ناۋقاندى جالعاستىرىپ، 1،3 ميلليارد تەڭگەدەن اسا قارجىنى زاڭسىز يەمدەندى دەگەن كۇدىككە ءىلىندى.
توتاقانوۆتار 4 جىل بۇرىن ۇلدارىنا وتا جاساتۋ ءۇشىن 50 ميلليون تەڭگە قاجەت ەكەنىن ايتىپ، Instagram پاراقشاسى ارقىلى حالىقتان قاراجات جيناعان. ءبىراق بالانىڭ ناقتى ەمىنە بار-جوعى 6 ميلليون تەڭگە عانا جۇمسالعانى بەلگىلى بولدى.
ال قالعان قاراجات:
- جىلجىمايتىن مۇلىك ساتىپ الۋعا،
- قىمبات اۆتوكولىكتەر الۋعا،
- شەتەلگە ساياحاتتاۋعا،
- قۇمار ويىندارعا كەتكەنى انىقتالعان.
قازىرگى تاڭدا ەرلى-زايىپتىعا "اسا ءىرى كولەمدەگى الاياقتىق" جانە "قىلمىستىق جولمەن الىنعان اقشالاي قاراجاتتى زاڭداستىرۋ" باپتارى بويىنشا ايىپ تاعىلىپ وتىر. قىلمىستىق ءىس تەرگەلۋ ۇستىندە.
You Might Also Like
-
استانادا "شانحاي" بازارى ورتەندى – اكىمشىلىك ءورت تۋرالى ءحابارلاماعانتىلسىز جاۋ تاڭعى ۋاقىتتا باقىلاۋدان شىعىپ كەتكەن
-
قۇرىقتاعى مەكتەپ شاتىرى قۇلادى: عيمارات نەبارى 16 جىل بۇرىن سالىنعان
