Photo: Ayazhan (https://www.pexels.com/@ayazhan-3173683) / Pexels
قازاقستاندىق ازامات رەسەيدە بالاعا وق اتقانى ءۇشىن ۇستالدى
رەسەيدىڭ سانكت-پەتەربۋرگ قالاسىندا قازاقستاننان شىققان ازامات بالاعا وق اتقانى ءۇشىن ۇستالىپ، تەرگەۋگە الىندى. وقيعا سالدارىنان 11 جاستاعى ءجاسوسپىرىم اۋرۋحاناعا جاتقىزىلدى.
بۇل تۋرالى Infohub.kz اقپارات اگەنتتىگى حابارلايدى.
وقيعانىڭ ءمان-جايى
وقيعا دەكابريستەر كوشەسىندەگى ۇيلەردىڭ ءبىرىنىڭ ماڭىندا بولعان. باسىلىمنىڭ مالىمەتىنشە، بالا ءۇيدىڭ تەرەزەسىنىڭ استىندا ساكسوفوندا ويناپ جۇرگەن. بۇل دىبىس 38 جاستاعى ازاماتتى اشۋلاندىرعان.
اشۋىنا شىداماعان ەر ادام پنيەۆماتيكالىق تاپانشاسىن الىپ، تەرەزەدەن وق جاۋدىرعان. وق بالانىڭ بەتىنە ءتيىپ، يەگىنە تىعىلىپ قالعان.
ءجاسوسپىرىمنىڭ جاعدايى
زارداپ شەككەن بالا اۋرۋحاناعا جەتكىزىلىپ، قازىرگى ۋاقىتتا ونىڭ جاعدايى ورتاشا دەپ باعالانۋدا.
كۇدىكتى كىم؟
باسىلىمداردىڭ حابارلاۋىنشا، ۇستالعان ازامات – قازاقستان تۋماسى، ايتجان سماعۇلوۆ ەسىمدى ازامات. ول 2021 جىلدىڭ ءساۋىر ايىنان بەرى ماريين تەاترىندا قوسالقى ترۋپپانىڭ مۇشەسى رەتىندە قىزمەت ەتكەن.
رەسەي ىشكى ىستەر مينيسترلىگىنىڭ رەسمي وكىلى يرينا ۆولك پوليسياعا بەيتانىس ادامنىڭ بالانى اتىپ كەتكەنى تۋرالى حابارلاما تۇسكەنىن ايتتى. مينيسترلىكتىڭ مالىمەتىنشە، كۇدىكتى بالانىڭ ويىنىن ۇناتپاي، ونى «جازالاۋ» ءۇشىن تەرەزەدەن وق اتقان.
قىلمىستىق ءىس قوزعالدى
اتالعان دەرەك بويىنشا قىلمىستىق كودەكستىڭ «قارۋ قولدانىپ جاسالعان بۇزاقىلىق» بابىمەن قىلمىستىق ءىس قوزعالدى.
-
كليماتتىڭ وزگەرۋى سالدارىنان الەمدەگى ەڭ ۇلكەن تۇيىق سۋ قويماسى تارىلىپ بارادى. ەكولوگتار بۇل جاعداي ارال تەڭىزىنىڭ كەبۋىمەن پارا-پار كاتاستروفاعا اكەلۋى مۇمكىن ەكەنىن ەسكەرتۋدە.
-
A Kazakh national and Mariinsky Theatre actor is under investigation in St. Petersburg after shooting a child with a pneumatic pistol.
