نوك رك
قازاقستاندىق جەڭىل اتلەتتەر قىتايداعى ازيا چەمپيوناتىندا ەكىنشى التىن مەدالدى جەڭىپ الدى
كەشە، 21:20 - Tengrisport.kz جاڭالىقتارى.
قازاقستاندىق جەڭىل اتلەتتەر قىتايدىڭ تيانسزين قالاسىندا ءوتىپ جاتقان ازيا چەمپيوناتىندا ەكىنشى التىن مەدالدى جەڭىپ الدى. بۇل تۋرالى Infohub.kz اقپارات اگەنتتىگى حابارلايدى.
جارىس قورىتىندىسى
جارىستا نورا دجەرۋتو 3000 مەترگە جۇگىرۋدەن التىن مەدالدى يەلەندى. ول 8:46.87 ناتيجەسىمەن مارەگە جەتتى. ەكىنشى ورىندى جاپونيادان كەلگەن نوزومي تاناكا (8:48.22) السا، ۇزدىك ۇشتىكتى قىتايدان كەلگەن لو سيا (9:16.18) قورىتىندىلادى.
بۇعان دەيىن
ايتا كەتەيىك، بۇعان دەيىن دجەرۋتو 1500 مەترگە جۇگىرۋدەن ءۇشىنشى ورىن العان بولاتىن. ال الينا چيستياكوۆا بەسسايىستا ءبىرىنشى بولدى.
سپورتشى تۋرالى
نورا دجەرۋتو 2022 جىلدىڭ 29 قاڭتارىنان باستاپ حالىقارالىق جارىستاردا قازاقستاننىڭ اتىنان شىعۋعا قۇقىلى. ول قازاقستان تاريحىنداعى جەڭىل اتلەتيكادان الەم چەمپيونى اتانعان العاشقى سپورتشى. دجەرۋتو سونىمەن قاتار 2024 جىلعى وليمپيادا ويىندارىندا ەل نامىسىن قورعادى.
-
الماتىدا قازاق قىزدارىنا قاتىستى دورەكى سوزدەر ايتقان ەكى شەتەلدىك اكىمشىلىك قاماۋعا الىندى.
-
وزبەكستان ازاماتتارىنىڭ شەتەلگە جۇمىسقا ورنالاسۋى جاڭا دەڭگەيگە كوتەرىلدى. بۇل قانداي وزگەرىستەر اكەلدى؟
