Photo: Styves Exantus (https://www.pexels.com/@styves-exantus-7162424) / Pexels
تورەحان سابىرحان حالىقارالىق دودادا توپ جاردى
تورەحان سابىرحان حالىقارالىق دودادا توپ جاردى
يسپانيانىڭ لا-نۋسيا قالاسىندا وتكەن Boxam Elite-2026 حالىقارالىق تۋرنيرىندە قازاقستاندىق بوكسشى تورەحان سابىرحان جەڭىسكە جەتتى. بۇل جايلى Infohub.kz اقپارات اگەنتتىگى حابارلايدى.
جارىستىڭ فينالىندا تورەحان سابىرحان ءۇندىستاندىق ديپاكپەن كەزدەستى. World Boxing نۇسقاسى بويىنشا الەم چەمپيونى اتاعى ءۇشىن وتكەن تارتىستى جەكپە-جەكتە قازاقستاندىق بوكسشى قارسىلاسىنان باسىم ءتۇستى. تورەحان سابىرحان تورەشىلەر شەشىمىمەن 4:1 ەسەبىمەن جەڭىسكە جەتتى.
جەكپە-جەك قالاي ءوربىدى؟
العاشقى راۋندتا تورەحان 0:5 ەسەبىمەن ۇتىلىپ قالدى. الايدا، ەكىنشى جانە ءۇشىنشى راۋندتاردا قارسىلاسىنا قارسى قىسىم جاساپ، جانكۇيەرلەردىڭ قولداۋىنا يە بولدى. بۇل جەڭىس تورەحان سابىرحان ءۇشىن 2026 جىلعى العاشقى التىن مەدالى بولدى.
تورەحاننىڭ جەتىستىكتەرى
تورەحان سابىرحان – قازاقستاننىڭ ەڭ تانىمال جاس بوكسشىلارىنىڭ ءبىرى. ول 2025 جىلى ليۆەرپۋلدە وتكەن الەم چەمپيوناتىندا توپ جاردى. سونداي-اق، 2024 جىلى چەرنوگوريادا وتكەن جاستار اراسىنداعى الەم چەمپيونى اتاندى. جاسوسپىرىمدەر مەن جاستار اراسىندا ازيانىڭ ءتورت دۇركىن چەمپيونى.
ديپاك جايلى نە بىلەمىز؟
ءۇندىستاندىق ديپاك – 2023 جىلعى الەم چەمپيوناتىنىڭ قولا جۇلدەگەرى. ول «الىپتاردى جەڭۋشى» دەگەن لاقاپ اتقا يە بولعان. سەبەبى 2021 جىلى كۋبوك ستراندجا تۋرنيرىندە وليمپيادا چەمپيونى شاحوبيدين زويروۆتى جەڭدى. 2023 جىلعى الەم چەمپيوناتىندا قازاقستاندىق ساكەن بيبوسىنوۆتان باسىم ءتۇستى.
-
قازاقستاندىق سپورتشىلار قىتايدا ءوتىپ جاتقان ازيا چەمپيوناتىندا تاعى ءبىر التىن مەدالدى قورجىنعا سالدى.
-
قازاقستاندىق شەنەۋنىكتەر حالىققا قىزمەت كورسەتۋدە جىبەرگەن كەمشىلىكتەرى ءۇشىن ميلليونداعان تەڭگە ايىپپۇل تولەدى.
