InfoHub Logo

پەتروپاۆل قالاسىنىڭ دەنە شىنىقتىرۋ ءپانى ءمۇعالىمى اناتوليي ۆيسەلسكيي ەكى ساۋساقپەن اسىلىپ تۇرۋدان گيننەسس رەكوردتار كىتابىنا ەندى. ول يتاليالىق مارچەللو فەرريدىڭ بۇرىنعى رەكوردىن 6 سەكۋندتان استام ۋاقىتقا جاڭارتتى.

بۇل تۋرالى Infohub.kz اقپارات اگەنتتىگى حابارلايدى.

جاڭا رەكورد

اناتوليي ۆيسەلسكيي اسىلىپ تۇرۋدان 2 مينۋت 7،45 سەكۋند ناتيجە كورسەتتى. بۇعان دەيىنگى رەكورد يەسى مارچەللو فەرري 2 مينۋت 1 سەكۋند قانا ۇستاي العان.

سپورتشىنىڭ ايتۋىنشا، رەكورد بۇدان جارتى جىل بۇرىن ورناتىلعان، الايدا سەرتيفيكاتىن ول كەشە عانا العان. رەكوردتىق ۋاقىتتا سەرتيفيكات الۋ ءۇشىن 500 ەۋرو تولەۋ قاجەت بولعان، ال ارنايى كوميسسيا شاقىرۋ ءۇشىن 11 مىڭ ەۋرو سۇرالعان.

سپورتقا دەگەن قۇشتارلىق

پەتروپاۆلداعى مەكتەپتەردىڭ بىرىندە جۇمىس ىستەيتىن ءمۇعالىم بالا كەزىنەن فۋتبول، باسكەتبول، ۆولەيبولمەن اينالىسقان. سونداي-اق، جاتتىعۋ زالىندا كوپ ۋاقىت وتكىزىپ، ءتۇرلى جاتتىعۋلاردى ورىنداعان. الايدا، گيننەسس كىتابىنا ەنۋ يدەياسى كەزدەيسوق پايدا بولعان.

«ينتەرنەتتەن اسىلىپ تۇرۋ جانە ساۋساقتارمەن تارتىلۋ بويىنشا رەكوردتاردى كورگەندە، مەن ولاردىڭ كەيبىرىن جاڭارتا الاتىنىمدى ءتۇسىندىم. بولاشاقتا ەكى جانە ءتورت ساۋساقپەن تارتىلۋ، سونداي-اق ءبىر ساعات ىشىندە قانشا رەت تارتىلۋ بويىنشا دا رەكورد ورناتۋدى جوسپارلاپ وتىرمىن»، - دەيدى اناتوليي.

قارجىلىق جاعى

اناتوليي ۆيسەلسكيي ازىرگە ءمۇعالىم جالاقىسىمەن ءومىر ءسۇرىپ جاتقانىن ايتادى. گيننەسس رەكوردتارى ءۇشىن تىكەلەي تولەم جوق. الايدا، بۇل جەتىستىك وعان مەدييلىك قولداۋ مەن الەۋمەتتىك جەلىدەگى جازىلۋشىلاردىڭ سانىن ارتتىرۋعا كومەكتەسەدى، بۇل بولاشاقتا قوسىمشا تابىس اكەلۋى مۇمكىن.

سونىمەن قاتار، ءمۇعالىمنىڭ جەتىستىكتەرى شاكىرتتەرىنە دە اسەر ەتەدى. ونىڭ ايتۋىنشا، ءقازىردىڭ وزىندە ونىڭ تاربيەلەنۋشىلەرى اراسىندا وبلىستىق دەڭگەيدەگى باسكەتبول، جەڭىل اتلەتيكا، كروسس جانە قىسقى پرەزيدەنتتىك كوپسايىس بويىنشا چەمپيوندار بار.

«بالالار مەنىڭ رەكوردتارىما وتە جاقسى قابىلدادى. ولار موتيۆاسيا الىپ، كوپشىلىگى تارتىلۋ جانە يىققا كوتەرۋ جاتتىعۋلەرىمەن اينالىسا باستادى»، - دەپ ءبولىستى ول.