Photo: Pixabay (https://www.pexels.com/@pixabay) / Pexels
قازاقستاندىق ساداقشىلار تاشكەنتتە توپ جاردى: نارتاي ارالباي ۇلى قۋانىشىمەن ءبولىستى
قازاقستاننىڭ ءداستۇرلى ساداقشىلارى وزبەكستان استاناسى تاشكەنتتە وتكەن حالىقارالىق اشىق تۋرنيردە ايقىن باسىمدىق تانىتىپ، كوماندالىق ەسەپتە ءبىرىنشى ورىندى يەلەندى. بۇل تۋرالى رەسپۋبليكالىق ءداستۇرلى ساداق اتۋ فەدەراسياسىنىڭ پرەزيدەنتى، ءماجىلىس دەپۋتاتى نارتاي ارالباي ۇلى ءوزىنىڭ الەۋمەتتىك جەلى پاراقشاسىندا حابارلادى.
بۇل تۋرالى Infohub.kz اقپارات اگەنتتىگى حابارلايدى.
تۋرنيرگە الەمنىڭ مىقتىلارى جينالدى
«Tashkent» اتىنداعى حالىقارالىق تۋرنيرگە قىرعىزستان، رەسەي، وزبەكستان، تۇركيا، كيپر جانە قازاقستاننان 100-گە جۋىق سپورتشى قاتىستى. بۇل جارىس ءداستۇرلى ساداق اتۋ سپورتىنداعى ۇزدىكتەردى انىقتاۋعا ارنالدى.
قازاقستان قۇراماسىنىڭ جارقىن جەڭىسى
قازاقستاننان بارعان 7 سپورتشى ب ا ق سىناپ، تاماشا ناتيجە كورسەتتى. ولار جالپى ەسەپتە 4 التىن، 3 كۇمىس جانە 3 قولا مەدالدى قورجىنعا سالدى. بۇل جەتىستىك قازاقستاندىق ساداقشىلاردىڭ الەمدىك ارەناداعى مىقتى ەكەنىن تاعى ءبىر مارتە دالەلدەدى.
جەڭىس مەرەكەسىمەن قۇتتىقتاۋ
نارتاي ارالباي ۇلى فەدەراسيانىڭ بارلىق مۇشەلەرىن وسى ايتۋلى جەڭىسپەن قۇتتىقتاپ، جانكۇيەرلەردى قولداۋ كورسەتۋگە شاقىردى. ول سونداي-اق، بۇل جەڭىستى 8-ناۋرىز مەرەكەسى قارساڭىندا ايەلدەر قاۋىمىنا تارتۋ ەتكەنىن اتاپ ءوتتى.
-
قازاقستاننىڭ حالىق ءارتىسى نۇرعالي ءنۇسىپجانوۆ وزىنەن 45 جاس كىشى ايەلى، جۋرناليست جادىرا سەيدەشكەگە ارناپ، الەۋمەتتىك جەلىدە تەبىرەنە جازدى.
-
اۋا رايىنىڭ قولايسىزدىعىنا بايلانىستى اقتوبە، قوستاناي، اقمولا، قاراعاندى جانە باتىس قازاقستان وبلىستارىندا اۆتوجولداردىڭ كەيبىر ۋچاسكەلەرى جابىلدى.
