instagram.com/ttfrk/
قازاقستاندىق تەننيسشىلەر الەمدىك رەيتينگتە تاريحي جەتىستىكتەن كەيىن جوعارىلادى
قازاقستاننىڭ ەرلەر قۇراماسى ۇستەل تەننيسىنەن وتكەن الەم چەمپيوناتىنداعى تاريحي جەتىستىگىنەن كەيىن حالىقارالىق رەيتينگتە 7 ساتىعا جوعارىلادى. بۇل تۋرالى قازاقستان ۇستەل تەننيسى فەدەراسياسى حابارلادى.
حالىقارالىق فەدەراسيا جاريالاعان جاڭا رەيتينگتە جۇڭگو قۇراماسى كوش باستاپ تۇر. ال قازاقستاننىڭ ەرلەر كومانداسى 25ء-شى ورىننان 17ء-شى ورىنعا كوتەرىلسە، ايەلدەر كومانداسى 37-دەن 31ء-شى ورىنعا جايعاستى.
بۇل جەتىستىككە جەتۋگە كوماندالىق الەم چەمپيوناتىنداعى ءساتتى ونەر كورسەتۋ سەبەپ بولدى. ەكى كوماندا دا ءتۋرنيردىڭ پلەي-وفف كەزەڭىنە شىعا الدى. ەرلەر قۇراماسى 1/16 فينالدا يسپانيالىقتاردى جەڭىپ، الەمدىك دوداداعى ءوز رەكوردىن جاڭارتتى. ناتيجەسىندە، ەرلەر كومانداسى تۋرنيردە 9-شى، ال ايەلدەر كومانداسى 17ء-شى ورىندى يەلەندى. بۇل ەكى كوماندا ءۇشىن دە تاريحتاعى ەڭ ۇزدىك كورسەتكىش بولىپ سانالادى.
قازاقستاندىق پينگ-پونگ جۇلدىزى
قازاقستان قۇراماسىنىڭ باستى جۇلدىزى – 29 جاستاعى كيريلل گەراسيمەنكو. ول 2024 جىلى قاتارىنان ءۇشىنشى وليمپيادا ويىندارىنا قاتىسىپ، 1/8 فينالعا دەيىن جەتىپ، ەل رەكوردىن ورناتتى. كيريلل گەرمانيادا تۇرىپ، SV Werder Bremen كلۋبىندا ونەر كورسەتەدى.
بۇعان دەيىن قازاقستاندىق تەننيسشى ەلەنا رىباكينا رەيتينگتە بەلارۋس ەلىنىڭ سپورتشىسى ارينا سوبولەنكوعا جاقىنداعان بولاتىن. ال قازاقستاننىڭ فۋتبول قۇراماسى فيفا رەيتينگىندە ءبىر ساتىعا جوعارىلادى.
-
تەپەر ناسلەدنيكي موگۋت ۆىبرات، كاك پولۋچيت وستاۆشيەسيا سرەدستۆا پو پەنسيوننومۋ اننۋيتەتۋ: ەدينوۆرەمەننو يلي ەجەمەسياچنو.
-
Kazakhstan's men's and women's table tennis teams have achieved significant jumps in the world rankings following their best-ever performances at the World Championships.
