Photo: Ayazhan (https://www.pexels.com/@ayazhan-3173683) / Pexels
قازاقستاندىقتار ەگيپەتكە بارا الادى: سىرتقى ىستەر مينيسترلىگىنىڭ شەشىمى
ەندى قازاقستاندىقتار ەگيپەتكە ەركىن ساياحاتتاي الادى. قازاقستان سىرتقى ىستەر مينيسترلىگى تۋريستەرگە ارنالعان ۇسىنىستارىن جاڭارتتى. بۇعان دەيىن ءقاۋىپتى ايماقتار قاتارىنا قوسىلعان ەگيپەت ەندى ءقاۋىپسىز ەلدەر تىزىمىنە ەنگىزىلدى.
بۇل تۋرالى Infohub.kz اقپارات اگەنتتىگى حابارلايدى.
شەشىم نەگە وزگەردى؟
سىرتقى ىستەر مينيسترلىگى بۇل شەشىمنىڭ قابىلدانعانىن ەگيپەتتەگى اعىمداعى جاعداي مەن ازاماتتىق ينفراقۇرىلىمنىڭ، سونىڭ ىشىندە حالىقارالىق اۋەجايلار مەن تۋريستىك ايماقتاردىڭ جۇمىس ىستەۋ جاعدايىن ەسكەرە وتىرىپ ءتۇسىندىردى. مينيسترلىك بۇل ەلدەگى جاعدايدىڭ تۇراقتالعانىن اتاپ ءوتتى.
باسقا ەلدەرگە قاتىستى شەكتەۋلەر
ەگيپەتكە قاتىستى شەشىم وزگەرگەنىمەن، تاياۋ شىعىستاعى باسقا ەلدەرگە قاتىستى بۇرىنعى ۇسىنىستار ءالى دە كۇشىندە قالادى. ايماقتاعى شيەلەنىستى جاعداي مەن كەيبىر ەلدەردىڭ اۋە كەڭىستىگىن جابۋىنا بايلانىستى، جاعداي تولىق قالىپقا كەلگەنشە ساياحاتتان باس تارتۋ تۋرالى مينيسترلىكتىڭ ەسكەرتۋلەرى ساقتالادى.
قازاقستاندىقتارعا ءالى دە ساياحاتتاۋعا ۇسىنىلمايتىن ەلدەر قاتارىنا باحرەين، يزرايل، يەمەن، يوردانيا، يراك، يران، كاتار، ساۋد ارابياسى، كۋۆەيت، ليۆان، ءباا، ومان، سيريا جاتادى.
ازاماتتارعا ارنالعان كەڭەستەر
ايماقتا جۇرگەن قازاقستان ازاماتتارىنا جەكە قاۋىپسىزدىك شارالارىن ساقتاۋ، ءقاۋىپتى اۋداندارعا بارۋدان اۋلاق بولۋ، جەرگىلىكتى بيلىك ورگاندارىنىڭ نۇسقاۋلارىن مۇقيات ورىنداۋ، اسىرەسە زىمىران ءقاۋپى تونگەن جاعدايدا دەرەۋ پانالاۋ ورىندارىنا بارۋ جانە قازاقستاننىڭ شەتەلدەگى مەكەمەلەرىمەن، تۋروپەراتورلارمەن جانە اۋە تاسىمالداۋشىلارىمەن تىعىز بايلانىستا بولۋ ۇسىنىلادى.
-
تانىمال ءانشى التىناي جورابايەۆانىڭ ەكىنشى قىزى تۇرمىسقا شىعادى. ءانشى بۇل جاڭالىقتى ەستىگەندە قاتتى تولقىپ، كوزىنە جاس العانىن ايتتى.
-
Kazakhstan's Foreign Ministry has revised its travel recommendations، removing Egypt from the list of high-risk destinations for its citizens.
