قازاقستاندىقتار ەكولوگيالىق ماسەلەلەردى شەشۋگە @TazaQazBot ارقىلى بەلسەندى اتسالىسۋدا
قازاقستاندىقتار ەكولوگيالىق ماسەلەلەردى شەشۋگە @TazaQazBot ارقىلى بەلسەندى اتسالىسۋدا،-دەپ جازادى ينفوحاب.
ەكولوگيا جانە تابيعي رەسۋرستار مينيسترلىگى 2024 جىلعى ماۋسىمدا Telegram پلاتفورماسىندا @TazaQazBot چات-بوتىن ىسكە قوسقان بولاتىن. بۇل ەكولوگيالىق ماسەلەلەر بويىنشا تۇرعىنداردىڭ جەدەل وتىنىشتەرى مەن شاعىمدارىن قابىلدايتىن سيفرلىق قۇرال رەتىندە تانىلىپ ۇلگەردى.
بۇگىندە ەكوبوتقا 18 مىڭنان استام ءوتىنىم كەلىپ ءتۇسىپ، ولاردىڭ 17 مىڭى ءساتتى ورىندالعان. بەلسەندى قولدانۋشىلاردىڭ باسىم بولىگى الماتى، شىمكەنت جانە استانا قالالارىنان. وتىنىشتەردىڭ نەگىزگى بولىگى اۋماقتاردى تازالاۋ، قوقىس شىعارۋ جانە كوشەلەردى اباتتاندىرۋ ماسەلەلەرىنە قاتىستى.
@TazaQazBot 21 ءتۇرلى ساناتتى قامتيدى. اتاپ ايتقاندا: جولداردى جوندەۋ، ارىقتاردى تازالاۋ، اۋلا ىشىندەگى جارىقتاندىرۋ، سۋ ايدىندارىنىڭ لاستانۋىن جويۋ سياقتى وزەكتى ەكولوگيالىق پروبلەمالاردى قامتيدى. سونىمەن قاتار، پايدالانۋشىلار تاپسىرما ساپاسىز ورىندالعان جاعدايدا شاعىم تۇسىرە الادى. 2025 جىلدىڭ باسىنان بەرى جۇيەگە 200-دەن استام شاعىم جولدانعان.
مينيسترلىك بارلىق ازاماتتاردى تۇرمىستا ءجيى كەزدەسەتىن ەكولوگيالىق تۇيتكىلدەردى شەشۋ ءۇشىن @TazaQazBot-تى بەلسەندى قولدانۋعا شاقىرادى.
You Might Also Like
-
رەسەي پرەزيدەنتى ۆلاديمير پۋتين ءتۇن ورتاسىندا مالىمدەمە جاساپ، ۋكراينامەن تىكەلەي كەلىسسوزدەرگە دايىن ەكەنىن جاريا ەتتى. ول بۇل كەزدەسۋدى 15 مامىردا تۇركيانىڭ ىستانبۇل قالاسىندا وتكىزۋدى ۇسىندى.
-
استانا. مەملەكەت باسشىسى قاسىم-جومارت توقايەۆ ۆەنگريانىڭ پرەمەر-مينيسترى ۆيكتور وربانمەن كەلىسسوز وتكىزدى. پرەزيدەنت جىلى جۇزدەسۋ بارىسىندا 2023 جىلى بۋداپەشتكە جاساعان مەملەكەتتىك ساپارىن ەسكە الى...
