قاسىم-جومارت توقايەۆ پەن ۆيكتور وربان ەكىجاقتى ىنتىماقتاستىقتى نى
استانا. مەملەكەت باسشىسى قاسىم-جومارت توقايەۆ ۆەنگريانىڭ پرەمەر-مينيسترى ۆيكتور وربانمەن كەلىسسوز وتكىزدى. پرەزيدەنت جىلى جۇزدەسۋ بارىسىندا 2023 جىلى بۋداپەشتكە جاساعان مەملەكەتتىك ساپارىن ەسكە الىپ، ول كەلىسسوزدەردىڭ ستراتەگيالىق ماڭىزى زور بولعانىن اتاپ ءوتتى.
كەلىسسوز بارىسىندا ساۋدا-ەكونوميكالىق جانە ينۆەستيسيالىق بايلانىستار باستى تاقىرىپ بولدى. 2024 جىلى ەكى ەل اراسىنداعى ساۋدا اينالىمى 200 ملن دوللار شاماسىنا جەتىپ، بيىلعى ءبىرىنشى توقساندا 37% ءوسىم تىركەلگەن. سونىمەن قاتار، ۆەنگريالىق ينۆەستيسيا كولەمى 370 ملن دوللاردان استى. قازىرگى تاڭدا بىرلەسكەن پورتفەلدە 700 ملن دوللار كولەمىندەگى 16 جوبا بار.
قاسىم-جومارت توقايەۆ تۇركى مەملەكەتتەرى ۇيىمىنىڭ بەيرەسمي ءسامميتىنىڭ ماڭىزىن ەرەكشە اتاپ ءوتىپ، قازاقستاننىڭ ۇيىم اياسىنداعى باسىم باعىتتار بويىنشا سىندارلى ديالوگتى جالعاستىرۋعا بەيىلدى ەكەنىن جەتكىزدى.
ءوز كەزەگىندە ۆيكتور وربان قازاق-ۆەنگر قاتىناستارىنىڭ ديناميكالىق دامىپ كەلە جاتقانىن اتاپ ءوتىپ، استانادا وتەتىن ءسامميتتى ۇيىمداستىرۋعا كورسەتىلگەن قولداۋ ءۇشىن العىسىن ءبىلدىردى.
كەزدەسۋدە وتكەن جىلعى جوعارى دەڭگەيدەگى كەلىسسوزدەر ناتيجەسىندە قابىلدانعان جوبالاردىڭ ىسكە اسىرىلۋ بارىسى، سونداي-اق ەنەرگەتيكا، ساۋدا جانە ينۆەستيسيا سالالارىنداعى ىنتىماقتاستىق ماسەلەلەرى تالقىلاندى. تاراپتار ءوزارا حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
You Might Also Like
-
2 مامىردا ق ر ساۋدا جانە ينتەگراسيا ءمينيسترى ارمان شاققالييەۆ الماتىعا جۇمىس ساپارىمەن كەلىپ، بازارلاردى جاڭعىرتۋ ماسەلەلەرى بويىنشا بيزنەس وكىلدەرىمەن كەزدەستى.
-
17 مامىر – قازاقستان پرەزيدەنتى قاسىم-جومارت توقايەۆتىڭ تۋعان كۇنى. بيىل مەملەكەت باسشىسى 72 جاسقا تولادى. الايدا بۇل داتاعا بايلانىستى ەشقانداي سالتاناتتى شارالار وتپەيدى. اقوردانىڭ باسپا ءسوز قىزمەت...
