InfoHub Logo

قازاقستاندا 66 مىڭنان استام ادامنىڭ بورىشى كەشىرىلەدى. بۇل تۋرالى سەنات وتىرىسىنان تىس تىلشىلەرگە مەملەكەتتىك كىرىستەر كوميتەتىنىڭ (مكك) بانكروتتىق تۋرالى جۇمىس باسقارماسىنىڭ باسشىسى مەرۋەرت سيسەمبايەۆا مالىمدەدى.

سيسەمبايەۆانىڭ ايتۋىنشا، تەك سوتتان تىس بانكروتتىق ءراسىمى ارقىلى شامامەن 132 ميلليارد تەڭگە قارىز كەشىرىلۋى جوسپارلانۋدا.

انىقتاما: سوتتان تىس بانكروتتىق – بۇل سوتسىز وتەتىن، بورىشتاردى كەشىرۋدىڭ جەڭىلدەتىلگەن ءراسىمى. ادام جاي عانا ءوتىنىش بەرەدى، مەملەكەت ونىڭ بورىشتارى مەن مۇلكىن تەكسەرەدى. ەگەر شارتتار سايكەس كەلسە، سوت پروسەسىنسىز-اق بورىشتار كەشىرىلەدى.

ول جالپى ەكى ءتۇرلى بانكروتتىق ءراسىمى بويىنشا شامامەن 66،6 مىڭ ادام بانكروت دەپ تانىلعانىن ايتتى.

قارىزداردى كەشىرۋ كولەمى

«جالپى ەكى ءراسىم بويىنشا 66 600 ادام بانكروت دەپ تانىلدى جانە ولار بويىنشا 250 ميلليارد تەڭگە قارىز كەشىرىلۋگە ءتيىس»، - دەدى باسقارما باسشىسى.

بۇعان دەيىن قارجى نارىعىن رەتتەۋ جانە دامىتۋ اگەنتتىگى كەيبىر قازاقستاندىقتار تابىسى مەن مۇلكىن تەكسەرمەستەن مەرزىمى وتكەن نەسيەلەرىن كەشىرە الاتىنىن حابارلاعان بولاتىن. ەگەر ادام نەسيەسىن 5 جىلدان استام ۋاقىت بويى تولەمەسە، ونىڭ تابىسى مەن مۇلكىنە قاراماستان، قارىزى اۆتوماتتى تۇردە كەشىرىلۋى مۇمكىن. سونداي-اق، قازاقستاندا «پرواكتيۆتى بانكروتتىق» ەنگىزىلۋدە: مەملەكەت ءوزى مۇنداي بورىشكەرلەردى انىقتاپ، ولارعا SMS ارقىلى بورىشتارىن كەشىرۋ تۋرالى ۇسىنىس جىبەرەدى.

بانكروتتىقتىڭ سالدارى

بانكروتتىق تەك بورىشتاردى كەشىرۋ عانا ەمەس، سونىمەن قاتار شەكتەۋلەردىڭ ەنگىزىلەتىنىن ەسكەرگەن ءجون. ەگەر بورىش كەشىرىلسە، ادامعا مىناداي شەكتەۋلەر قويىلادى:

بانكروتتىققا قالاي ءوتىنىش بەرۋگە بولادى؟

بانكروتتىق ءراسىمى ورتا ەسەپپەن 6 ايعا دەيىن سوزىلادى جانە ونىڭ ەكى ءتۇرى بار – سوتتان تىس جانە سوت ارقىلى جۇزەگە اسىرىلاتىن بانكروتتىق.

انىقتاما: سوتتان تىس بانكروتتىق – بانكتەر مەن ميكروقارجى ۇيىمدارى الدىنداعى بورىق 1600 اەك-تەن (2026 جىلى شامامەن 7 ميلليون تەڭگە) اسپاعان، مۇلكى جوق جانە 12 ايدان استام مەرزىمى وتكەن، رەتتەۋ ارەكەتتەرى جاسالعان جاعدايدا قولدانىلادى.

سوتتان تىس بانكروتتىق – ەڭ قاراپايىم نۇسقا:

بۇل ءراسىم eGov.kz پورتالىندا جانە e-Salyq Azamat، eGov Mobile ءموبيلدى قوسىمشالارىندا نەمەسە حالىققا قىزمەت كورسەتۋ ورتالىعىنىڭ (حقو) جاقىن بولىمشەسى ارقىلى قاعاز تۇرىندە جاسالادى.

سوتتىق بانكروتتىق جاعداي كۇردەلى بولعاندا – ياعني بورىق 1600 اەك-تەن جوعارى جانە مۇلىك بار بولعاندا قولدانىلادى. ول كەزدە مىنالاردى تالاپ ەتەدى:

وسى دەرەكتەرمەن سوتقا جۇگىنۋ قاجەت، سوت شەشىم قابىلدايدى.

ەستەرىڭىزگە سالا كەتەيىك، 1 شىلدەدەن باستاپ قازاقستاندا نەسيە بەرۋ ەرەجەلەرى وزگەرەدى. بانكتەر كليەنتتەردىڭ تولەم قابىلەتتىلىگىن قاتاڭ باعالاي باستايدى. بۇل جاڭا كورسەتكىشتەردى – بورىشتىق جۇكتەمە كوەففيسيەنتىن جانە تابىسقا قاتىستى بورىش كوەففيسيەنتىن ەنگىزۋدى قامتيدى. ادامنىڭ تابىسىنىڭ قانشا بولىگى نەسيەلەر مەن باسقا دا مىندەتتى تولەمدەرگە جۇمسالاتىنى كورسەتىلەدى. بۇل كورسەتكىش نەعۇرلىم جوعارى بولسا، جاڭا قارىز الۋ مۇمكىندىگى سوعۇرلىم از بولادى.