اشىق دەرەككوز
«قازاقستانعا اسكەر جىبەرسەك باقىتتى بولام» دەگەن سيمونيان ەمنەن كەيىن العاش رەت كورىندى
رەسەيلىك بەلگىلى تەلەجۇرگىزۋشى ءارى RT ارناسىنىڭ باس رەداكتورى مارگاريتا سيمونيان ۇزاق ۋاقىت بويى ەمدەلىپ، كوپشىلىك كوزىنەن تاسادا جۇرگەننەن كەيىن العاش رەت جۇرت الدىنا شىقتى. بۇعان دەيىن ول ءوزىنىڭ ءسۇت بەزى قاتەرلى ىسىگىمەن اۋىرعانىن جانە وتا جاسالعانىن اشىق ايتقان بولاتىن.
بۇل تۋرالى Infohub.kz اقپارات اگەنتتىگى حابارلايدى.
سيمونيان ەمدەۋ كۋرسىنان، سونىڭ ىشىندە حيميوتەراپيا مەن ساۋلەلىك تەراپيادان ءوتىپ، دەنساۋلىعىنىڭ السىرەۋىنە بايلانىستى ۋاقىتشا قوعامدىق ءىس-شارالاردان باس تارتقان ەدى. جاقىندا عانا ونىڭ جاعدايى جاقسارىپ، تۋعان قالاسى كراسنوداردا «قۇرمەتتى تۇرعىن» اتاعىمەن ماراپاتتالدى. بۇل ونىڭ ەمدەۋدەن كەيىنگى العاشقى رەسمي شىعۋى بولدى. كوپشىلىكتىڭ نازارىن اۋدارعان ءبىر جايت – سيمونياننىڭ بۇل جولى العاش رەت پاريكسىز كورىنۋى.
سيمونياننىڭ قازاقستانعا قاتىستى بۇرىنعى پىكىرلەرى
مارگاريتا سيمونياننىڭ ەمدەلۋىنەن كەيىنگى جاڭالىقتارمەن قاتار، ونىڭ بۇعان دەيىنگى قازاقستانعا قاتىستى ايتقان داۋلى سوزدەرى دە ەسكە ءتۇستى. ءبىر سۇحباتىندا ول رەسەي اسكەرىنىڭ ۋكراينا مەن سيرياداعىداي، قاجەت بولعان جاعدايدا قازاقستانداعى «بارمالەيلەرمەن» كۇرەسۋگە دايىن بولۋى كەرەكتىگىن ايتقان.
«ەگەر ءبىز ۋكراينا مەن سيرياداعىداي، قاجەت بولعان جاعدايدا قازاقستانداعى قانداي دا ءبىر “بارمالەيلەرمەن” كۇرەسۋ مۇمكىندىگىنە يە بولساق، مەن وتە باقىتتى بولار ەدىم»، – دەگەن پىكىرىن ول ەمپاتيا مانۋچي باعدارلاماسىنا بەرگەن سۇحباتىندا بىلدىرگەن. ساراپشىلار بۇل ءسوز ارقىلى سيمونياننىڭ قاڭتار وقيعاسى كەزىندە قازاقستانعا كەلگەن ۇقشۇ اسكەرىنە جانە سول كەزدە «تەرروريست» دەپ اتالعان توپتارعا مەڭزەگەنىن جورامالدايدى.
-
س 1 يۋليا 2026 گودا ۆسە دەتي ۆ كىرگىزستانە دو ترەح لەت بۋدۋت پولۋچات پوسوبيە «بالا ىرىسى» ۆنە زاۆيسيموستي وت دوحودا سەمي.
-
Russian journalist Margarita Simonyan has been seen in public for the first time since undergoing cancer treatment، sparking renewed attention to her controversial remarks about Kazakhstan.
